കോഴിക്കോട്: പേരാമ്പ്രയിൽ യുഡിഎഫും സിപിഐഎമ്മും നടത്തിയ പ്രതിഷേധ പ്രകടനങ്ങൾക്കിടെ ഉണ്ടായ സംഘർഷത്തിനിടെ വടകര എംപി ഷാഫി പറമ്പിലിന് പരുക്കേറ്റു. സംഘർഷത്തെത്തുടർന്ന് പൊലിസ് കണ്ണീർവാതക പ്രയോഗവും ലാത്തിച്ചാർജും നടത്തി. കണ്ണീർവാതക പ്രയോഗത്തിനിടെയാണ് ഷാഫി പറമ്പിലിന് പരുക്കേറ്റത്.

ALSO READ: പേരാമ്പ്ര യു ഡി എഫ് - സിപിഐഎം സംഘർഷം: ഷാഫി പറമ്പിലിനെ മർദിച്ച സംഭവത്തിൽ സംസ്ഥാന വ്യാപക പ്രതിഷേധത്തിന് ആഹ്വാനം ചെയ്ത് കോൺ​ഗ്രസ്; രാത്രി പത്ത് മണിക്ക് സെക്രട്ടേറിയറ്റിലേക്ക് മാർച്ച്

ലാത്തിച്ചാർജിൽ നിരവധി യുഡിഎഫ് പ്രവർത്തകർക്കും പരുക്കേറ്റതായി റിപ്പോർട്ടുകൾ സൂചിപ്പിക്കുന്നു. സിപിഐഎം-യുഡിഎഫ് പ്രവർത്തകർ മുഖാമുഖം വന്നതോടെയാണ് പൊലിസ് ലാത്തി വീശിയത്. സികെജി മെമ്മോറിയൽ ഗവ. കോളേജിലെ യൂണിയൻ തെരഞ്ഞെടുപ്പുമായി ബന്ധപ്പെട്ട് ഇന്നലെ SFI-യും MSF-ഉം തമ്മിൽ സംഘർഷമുണ്ടായിരുന്നു.

ALSO READ: ഷാഫി പറമ്പിൽ എംപിയെ മർദിച്ച സംഭവം: പൊലിസിന്റെ ഏപപക്ഷീയമായ നടപടിക്കെതിരെ രൂക്ഷ പ്രതികരണവുമായി രാഹുൽ മാങ്കൂട്ടത്തിൽ എംഎൽഎ

ഇതിന്റെ പ്രതിഷേധമായി ഇന്ന് പേരാമ്പ്ര ടൗണിൽ കോൺഗ്രസ് ഹർത്താൽ ആചരിച്ചിരുന്നു.  പിന്നാലെ ഇന്ന് നടന്ന പ്രതിഷേധ പ്രകടനങ്ങൾക്കിടെ ഉണ്ടായ സംഘർഷം പ്രദേശത്ത് ഗതാഗത തടസ്സത്തിനും ആശങ്കയ്ക്കും കാരണമായി. പൊലിസ് സ്ഥിതിഗതികൾ നിയന്ത്രണവിധേയമാക്കിയതായി അധികൃതർ അറിയിച്ചു.

In Kozhikode's Perambra, a clash erupted between UDF and CPI(M) protesters, leading to police using tear gas and lathicharge. MP Shafi Parambil and several UDF workers were injured during the confrontation, which was linked to tensions over a college election.