കോവളം: ലൈറ്റ് ഹൗസ് ബീച്ചില്‍ കടകുത്തിത്തുറന്ന് 5000 രൂപയും 2000 രൂപ വിലവരുന്ന നവ രത്‌നങ്ങളും മോഷ്ടിച്ചു. ലൈറ്റ് ഹൗസിന് സമീപത്തെ സരസ്വതീ ആര്‍ട്‌സ് സെന്റര്‍ എന്ന സ്ഥാപനത്തിലാണ് ചൊവ്വാഴ്ച രാത്രിയില്‍ മോഷണം നടന്നത്.
ചിത്രങ്ങള്‍ വരച്ച്  വിദേശികള്‍ക്ക് വിറ്റ് ഉപജീവനം നടത്തുന്ന രാജസ്ഥാന്‍ സ്വദേശി സോഹന്‍ ലാല്‍ കുംവാത്ത് എന്നയാളിന്റെതാണ് സ്ഥാപനം. കടയുടെ പൂട്ട് തകര്‍ത്ത് അകത്ത് കയറിയ മോഷ്ടാവ്  ഒരു പ്‌ളാസ്റ്റിക്ക് കുപ്പിക്കുള്ളില്‍ സൂക്ഷിച്ചിരുന്ന പണവും മോതിരം ഉണ്ടാക്കാനായി പഴ്‌സില്‍ സൂക്ഷിച്ചിരുന്ന നവരത്‌നങ്ങളുമാണ് മോഷ്ടിച്ചത്. കോവളം പൊലിസില്‍ പരാതി നല്‍കി.