കാട്ടാക്കട: സാമൂഹ്യ വിരുദ്ധര്‍ പുരയിടത്തില്‍ കടന്നുകയറി  അക്രമം കാണിച്ചതായി പരാതി.
പത്ര ഏജന്റ് ശിവജി നഗര്‍ പ്രസാദിന്റെ വസ്തുവിലാണ് ഒരു സംഘം അതിക്രമിച്ചു കയറിയത്. ഇന്നലെ പുലര്‍ച്ചെ മൂന്നു മണിയോടെ പ്രസാദ്  പത്രവിതരണത്തിന്  പോയിരുന്ന സമയത്തായിരുന്നു സംഭവം. വീടിനോട് ചേര്‍ന്ന പുരയിടം ഇടിച്ചു നിരത്താനും ശ്രമിച്ചു.  തടയാന്‍ ശ്രമിച്ച ഏജന്റിന്റെ ഭാര്യയേും മക്കളേയും സംഘം ഭീഷണിപ്പെടുത്തിയതായും കാട്ടാക്കട പൊലിസില്‍ നല്‍കിയ പരാതിയില്‍ പറയുന്നു. കഴിഞ്ഞ 30 വര്‍ഷമായി പ്ലാവൂര്‍ പുത്തറത്തലനട കനാല്‍ പുറംപോക്കിലാണ്   പ്രസാദും കുടുംബവും താമസിക്കുന്നത്.