കുവൈത്ത് സിറ്റി: റോഡ് ​ഗതാ​ഗത നിയമലംഘനങ്ങൾ തടയുകയും, നിയമം നടപ്പിലാക്കുകയും ചെയ്യുന്നതിനായി വ്യാപകമായ വാഹന പരിശോധനാ ക്യാമ്പെയ്‌ൻ നടത്തി കുവൈത്ത് ഗതാഗത വിഭാഗം. വ്യാഴാഴ്ച (2025 ഒക്ടോബർ 9) ഷെയ്ഖ് ജാബർ അൽ അഹ്മദ് അൽ സബാഹ് പാലത്തിലായിരുന്നു പരിശോധന. ജഹ്‌റ ഗവർണറേറ്റിലെ ട്രാഫിക് ഡിപ്പാർട്മെന്റ്, റോഡ്സ് ഡിപ്പാർട്മെന്റ്, സെക്യുരിറ്റി കൺട്രോൾ ഡിപ്പാർട്മെന്റ് എന്നിവയുടെ നേതൃത്വത്തിലായിരുന്നു പരിശോധന. പരിശോധനയിൽ നിയമം ലംഘിച്ച വാഹനങ്ങൾ, ഇരുചക്രവാഹനങ്ങൾ, രേഖകളില്ലാതെ യാത്ര ചെയ്ത വ്യക്തികൾ, അഭയാർഥികൾ എന്നിവർക്കെതിരെ നടപടികൾ സ്വീകരിച്ചു.

ALSO READ: റഹായേല്‍ ഓട്ടമോട്ടിവ് സിറ്റിയില്‍ ആര്യ ഓട്ടോ നൂതന വര്‍ക് ഷോപ് ആരംഭിച്ചു

പരിശോധനയുടെ ഫലം:

1) 485 ഗതാഗത നിയമലംഘനങ്ങൾ കണ്ടെത്തി.

2) തിരിച്ചറിയൽ രേഖകളില്ലാതെ ഒരാളെ അറസ്റ്റ് ചെയ്തു.

3) ഒളിച്ചോടിപ്പോയ ഒരാളെ അറസ്റ്റ് ചെയ്തു.

4) ഒരു പിടികിട്ടാപ്പുള്ളിയെ അറസ്റ്റ് ചെയ്തു.

5) മോട്ടാർ സൈക്കിളുകളുൾപ്പെടെ 43 വാഹനങ്ങൾ നിയമലംഘനങ്ങളെ തുടർന്ന് പിടിച്ചെടുത്തു.

6) 16 പേരെ ട്രാഫിക് പൊലിസ് സ്റ്റേഷനിലേക്ക് കൈമാറി.

ALSO READ: ബഹ്‌റൈൻ: 16.5 ലക്ഷം രൂപയുടെ സ്വർണം വാങ്ങി, ഓണ്‍ലൈന്‍ പേയ്മെന്റ് നടത്തിയെന്ന് പറഞ്ഞു വ്യാജ സ്‌ക്രീന്‍ഷോട്ടുകള്‍ നല്‍കി; പ്രവാസി യുവതി അറസ്റ്റില്‍

കുവൈത്ത് ജനറൽ ട്രാഫിക് ഡിപ്പാർട്മെന്റ് അറിയിച്ചതുപ്രകാരം, എല്ലാ ഗവർണറേറ്റുകളിലും ഇത്തരത്തിലുള്ള പരിശോധനകൾ തുടരും. റോഡ് സുരക്ഷ ഉറപ്പാക്കാനും, യാത്രക്കാരുടെയും മറ്റ് റോഡ് ഉപയോക്താക്കളുടെയും സുരക്ഷ ഉറപ്പാക്കാനുമാണ് ഈ നീക്കം. 

The Kuwait Traffic Department conducted a comprehensive road safety campaign on Sheikh Jaber Al-Ahmad Al-Sabah Bridge, resulting in 485 traffic violations, 16 arrests, and 43 vehicles seized. The campaign aimed to enforce traffic laws and curb violations