ആറ്റിങ്ങല്‍:  അപകടത്തില്‍ മരിച്ച യുവാവിന്റെ ബൈക്ക് ആലംകോട് ജുമുആ മസ്ജിദിനു സമീപം ഉപേക്ഷിക്കപ്പെട്ട നിലയില്‍. ഇക്കഴിഞ്ഞ 28ന് രാത്രി വാഹനപരിശോധനക്ക് പൊലിസ് കൈകാണിച്ചപ്പോള്‍ മുന്‍പില്‍ പോയ ലോറി പെട്ടെന്ന് ബ്രേക്കിട്ടതിനെ തുടര്‍ന്ന് ലോറിയിലേക്ക് ബൈക്ക് ഇടിച്ചു കയറിയാണ് വര്‍ക്കല മുട്ടപ്പലം ഹരിജന്‍കോളനിയില്‍ ഗിരിജയുടെ മകന്‍ ഷാന്‍ (33)   മരിച്ചത്.
റോഡില്‍ വീണ് പരുക്കേറ്റ ഷാനെ  പൊലിസ് വാഹനത്തില്‍ തിരുവനന്തപുരം മെഡിക്കല്‍ കോളേജാശുപത്രിയിലെത്തിച്ചെങ്കിലും ചികിത്സയിലിരിക്കെ മരിച്ചു. സാധാരണ അപകടങ്ങളില്‍പെടുന്ന വാഹനങ്ങള്‍ പൊലിസ് സ്റ്റേഷനില്‍ എത്തിച്ച ശേഷം തുടര്‍നടപടി സ്വീകരിക്കാറാണ് പതിവ്.
എന്നാല്‍ ഈ സംഭവത്തില്‍ അപകടത്തില്‍ പെട്ട ബൈക്ക് പാതയോരത്ത് ഉപേക്ഷിച്ചതില്‍ ദുരൂഹതയുണ്ടെന്ന് നാട്ടുകാര്‍ പറയുന്നു.