ദുബൈ: രാജ്യത്തെ യുവ പൗരന്മാരോട് വിവാഹം കഴിക്കാൻ ആഹ്വാനം ചെയ്ത് ദുബൈയിലെ പ്രമുഖ വ്യവസായി ഖലഫ് അൽ ഹബ്തൂർ. 30 വയസ്സിന് മുമ്പ് സ്വദേശികൾ വിവാഹിതരാകുന്നത് പ്രോത്സാഹിപ്പിക്കാൻ ഒരു നിയമം കൊണ്ടുവരുമെന്ന് പ്രതീക്ഷിക്കുന്നതായും അദ്ദേഹം വ്യക്തമാക്കി.

സമൂഹ മാധ്യമമായ എക്സിലെ പോസ്റ്റിലാണ് അൽ ഹബ്തൂർ ഇക്കാര്യം ആവശയപ്പെട്ടത്. മതിയായ കാരണമില്ലാതെ വിവാഹം ഒഴിവാക്കുന്ന യുവാക്കൾ സമൂഹത്തിന്റെ ഐക്യത്തിനും നിലനിൽപ്പിനും ഉത്തരവാദികളാണെന്ന് അദ്ദേഹം പറഞ്ഞു. 

ALSO READ: നിശ്ചിത സമയത്തിനുള്ളിൽ ട്രാഫിക് പിഴ അടച്ചില്ല; 28 വാഹനങ്ങൾ പിടിച്ചെടുത്ത് ദുബൈ പൊലിസ് 

"മുപ്പത് വയസ്സ് കഴിഞ്ഞിട്ടും വിവാഹം കഴിക്കാത്ത യുവാക്കളെ കാണുമ്പോൾ സങ്കടം തോന്നുന്നു. അവരാണ് രാജ്യത്തിന്റെ യഥാർത്ഥ സമ്പത്തും ഭാവിയും. കുടുംബമില്ലാതെ സമൂഹം നിലനിൽക്കില്ല," അൽ ഹബ്തൂർ ഗ്രൂപ്പിന്റെ സ്ഥാപകനും ചെയർമാനുമായ അൽ ഹബ്തൂർ പറഞ്ഞു.
വിവാഹം സമൂഹത്തിന് സ്ഥിരതയും രാജ്യത്തിന് തുടർച്ചയും നൽകുമെന്ന് അദ്ദേഹം വ്യക്തമാക്കി. 

"യുവതീയുവാക്കളോട് ഞാൻ അഭ്യർത്ഥിക്കുകയാണ്. വിവാഹം ചെയ്യാൻ മടിക്കരുത്, മാറ്റിവയ്ക്കുകയും ചെയ്യരുത്. സ്നേഹമുള്ള ജീവിതവും കുട്ടികളുടെ ഊഷ്മളതയും നിറഞ്ഞ വീടിനേക്കാൾ മനോഹരമായി മറ്റൊന്നില്ല," അദ്ദേഹം കൂട്ടിച്ചേർത്തു.

യുഎഇ സർക്കാർ ഇമാറാത്തികളെ വിദ്യാഭ്യാസം, ആരോഗ്യം, വീട്, വിവാഹ സഹായം എന്നിവയിൽ പിന്തുണയ്ക്കുന്നുണ്ട്. പണമോ കഴിവോ കാരണമായി വിവാഹം വൈകിപ്പിക്കരുതെന്ന് അൽ ഹബ്തൂർ ഉപദേശിച്ചു. 

"സർക്കാർ നമ്മുടെ കുട്ടികളെ പിന്തുണയ്ക്കുന്നു. പക്ഷേ, വിവാഹത്തിന്റെ ഉത്തരവാദിത്തം നമ്മൾ ഏറ്റെടുക്കണം," അദ്ദേഹം പറഞ്ഞു.

ALSO READ: കെട്ടിടങ്ങളെ തീപിടുത്തത്തിൽ നിന്ന് സംരക്ഷിക്കാനും, അപകട മുന്നറിയിപ്പുകൾ നൽകാനും ഇനി പുതിയ സ്ഥാപനം; ഫെഡറൽ അതോറിറ്റി ഫോർ ആംബുലൻസ് ആൻഡ് സിവിൽ ഡിഫൻസ് സ്ഥാപിച്ച് യുഎഇ പ്രസിഡന്റ് 

യുഎഇയിൽ 200-ലധികം രാജ്യങ്ങളിൽ നിന്നുള്ളവർ താമസിക്കുന്നു. ജനസംഖ്യയുടെ 80 ശതമാനത്തിലധികം പ്രവാസികളായ ആളുകളാണ്. മൊത്തം ജനസംഖ്യ 11 ദശലക്ഷം കടന്നു. സ്വദേശികളുടെ എണ്ണം വർധിപ്പിക്കാൻ സർക്കാർ ശ്രമിക്കുന്നു. നഫീസ് പ്രോഗ്രാമിലൂടെ സ്വകാര്യ മേഖലയിൽ തൊഴിലും സാമ്പത്തിക സഹായവും നൽകുന്നു. ദുബൈ സോഷ്യൽ അജണ്ട 33-യിലൂടെ പുതിയ ഇമാറാത്തി കുടുംബങ്ങളുടെ എണ്ണം ഇരട്ടിയാക്കാനാണ് സർക്കാർ ലക്ഷ്യം വെക്കുന്നത്. കുടുംബമാണ് രാജ്യത്തിന്റെ നിധിയും ശക്തിയും ഭാവിയുടെ സുരക്ഷയുമെന്ന് അദ്ദേഹം അടിവരയിട്ടു. 

"യുവാക്കളെ സംരക്ഷിക്കൂ, വിവാഹത്തെ പിന്തുണയ്ക്കൂ. അങ്ങനെ എല്ലാവർക്കും സന്തോഷകരമായ ജീവിതം ലഭിക്കും," അൽ ഹബ്തൂർ കൂട്ടിച്ചേർത്തു.

prominent dubai industrialist advises unmarried citizens to tie the knot and take on responsibilities, highlighting the unmatched beauty of a warm family life filled with love and children's warmth.