മസ്‌കത്ത്: ഒമാനില്‍ വാഹനാപകടത്തിന്റെ ദൃശ്യങ്ങള്‍ മൊബൈല്‍ ഫോണില്‍ പകര്‍ത്തി പ്രചരിപ്പിച്ച രണ്ട് പ്രവാസികളെ റോയല്‍ പൊലിസ് അറസ്റ്റ് ചെയ്തു. ഏഷ്യക്കാരായ രണ്ട് പ്രവാസികളാണ് അല്‍ വുസ്ത ഗവര്‍ണറേറ്റിലെ പൊലീസിന്റെ പിടിയിലായത്. അറസ്റ്റിലായവരുടെ മറ്റ് കൂടുതല്‍ വിവരങ്ങള്‍ പൊലിസ് പുറത്തുവിട്ടിട്ടില്ല. വാഹനാപകടത്തില്‍ മരിച്ചവരുടെ ദൃശ്യങ്ങള്‍ സോഷ്യല്‍ മീഡിയകളില്‍ വ്യാപകമായി പ്രചരിപ്പിച്ചുവെന്നാണ് ഇവര്‍ക്കെതിരായ ആരോപണം. 

കഴിഞ്ഞദിവസം ദുകം വിലായത്തില്‍ വാഹനങ്ങള്‍ തമ്മില്‍ കൂട്ടിയിടിച്ച് എട്ട് ബംഗ്ലാദേശ് സ്വദേശികള്‍ മരിച്ചിരുന്നു. വാഹനത്തിന്റെ ഡ്രൈവര്‍ ഉള്‍പ്പെടെ രണ്ട് പേരുടെ നില അതീവ ഗുരുതരമായി തുടരുകയാണ്. ഇതിന്റെ വീഡിയോകളും ഫോട്ടോകളും ആണ് അറസ്റ്റിലായവര്‍ പ്രചരിപ്പിച്ചത്.

ഒമാനില്‍ അപകടത്തിന്റെ വീഡിയോകള്‍ ചിത്രീകരിക്കുന്നതും പങ്കിടുന്നതും പിഴയ്ക്കും തടവിനും മറ്റ് ശിക്ഷകള്‍ക്കും കാരണമാകുന്ന കുറ്റമാണ്. വ്യക്തികളുടെ അനുമതിയില്ലാതെ അവരുടെ ദൃശ്യങ്ങള്‍ ചിത്രീകരിക്കുന്നതും പ്രസിദ്ധീകരിക്കുന്നതും റോയല്‍ ഒമാന്‍ പൊലിസ്  നിരോധിച്ചിരിക്കുന്നു. 

ALSO READ: മുസ്‌ലിം വേള്‍ഡ് ലീഗ് മുന്‍ സെക്രട്ടറി ജനറലും സൗദി പണ്ഡിതനുമായ ഡോ. അബ്ദുല്ല നസീഫ് അന്തരിച്ചു

The Police in the Governorate of Al Wusta arrested an individual of Asian nationality for recording a video showing the bodies of persons who lost their lives in a traffic collision between two vehicles in the Wilayat of Duqm. It is strictly prohibited by ROP to film and share accident videos, which can lead to fines and imprisonment, and other penalties.