ഫുട്ബോളിലെ തന്റെ റോൾ മോഡൽ ആരാണെന്ന് തുറന്നു പറഞ്ഞിരിക്കുകയാണ് റയൽ മാഡ്രിഡിന്റെ ഫ്രഞ്ച് സൂപ്പർതാരം കിലിയൻ എംബാപ്പെ. പോർച്ചുഗീസ് ഇതിഹാസ താരം ക്രിസ്റ്റ്യാനോ റൊണാൾഡോയെക്കുറിച്ച് ആയിരുന്നു ഫ്രഞ്ച് താരം സംസാരിച്ചത്. റൊണാൾഡോ തന്റെ റോൾ മോഡൽ ആണെന്നും ഫുട്ബോളിൽ മികച്ചതാകാൻ റൊണാൾഡോ തനിക്ക് ധാരാളം ഉപദേശങ്ങൾ നൽകാറുണ്ടെന്നുമാണ് എംബാപ്പെ വെളിപ്പെടുത്തിയത്. 

"ക്രിസ്റ്റ്യാനോ  റൊണാൾഡോ എപ്പോഴും എന്റെ റോൾ മോഡലാണ്. ഫുട്ബോളിൽ എനിക്ക് അദ്ദേഹം ഒരു മാതൃകയാണ്. അദ്ദേഹത്തോട് സംസാരിക്കാൻ എനിക്ക് ഭാഗ്യം ലഭിച്ചിട്ടുണ്ട്. എനിക്ക് ധാരാളം ഉപദേശങ്ങൾ അദ്ദേഹം നൽകി'' എംബാപ്പെ മൂവീ സ്റ്റാറിന് നൽകിയ അഭിമുഖത്തിൽ പറഞ്ഞു. 

ഫുട്ബോളിൽ റൊണാൾഡോക്കെതിരെ എംബാപ്പെ അഞ്ചു തവണയാണ് കളിക്കളത്തിൽ നേരിട്ടുള്ളത്. ഫ്രഞ്ച് ക്ലബ്ബായ പാരീസ് സെയ്ന്റ് ജെർമെയ്‌നിൽ കളിക്കുന്ന സമയത്ത് റയൽ മാഡ്രിനെതിരെ രണ്ട് മത്സരങ്ങളിലും രാജ്യാന്തര തലത്തിൽ പോർച്ചുഗൽ-ഫ്രാൻസ് തമ്മിൽ മൂന്നു മത്സരങ്ങളും റൊണാൾഡോയും എംബാപ്പെയും നേർക്കുനേർ കളത്തിൽ ഇറങ്ങി. 

റൊണാൾഡോ നിലവിൽ സഊദി പ്രൊ ലീഗ് ക്ലബായ അൽ നസറിന്റെ താരമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. 

അടുത്തിടെ അൽ നസറിനൊപ്പമുള്ള കരാർ റൊണാൾഡോ പുതുക്കിയിരുന്നു. പുതിയ കരാർ പ്രകാരം റൊണാൾഡോ രണ്ടു വർഷം കൂടി സൗഊദിയിൽ കളിക്കും. പുതിയ കരാറിൽ റൊണാൾഡോയ്ക്ക് വർഷത്തിൽ 200 മില്യൺ ഡോളറാണ് ലഭിക്കുക. ആഴ്ചയിൽ 4.17 മില്യൺ ഡോളറും റൊണാൾഡോക്ക് ലഭിക്കും. ഇതിനുപുറമെ റൊണാൾഡോക്ക് 26.5 മില്യൺ ഡോളർ സൈനിങ്‌ ബോണസും 35.7 മില്യൺ ഡോളർ വിലമതിക്കുന്ന അൽ നസറിന്റെ 15 ശതമാനം ഉടമസ്ഥ അവകാശ ഓഹരിയും ലഭിക്കും.

Real Madrid's French superstar Kylian Mbappe has revealed who his role model in football is. The French star was talking about Portuguese legend Cristiano Ronaldo.