മലപ്പുറം: എടപ്പാൾ കണ്ടനക്കത്ത് സ്കൂൾ ബസ് നിയന്ത്രണം വിട്ട്  കടയിലേക്ക് ഇടിച്ചുകയറി അപകടത്തിൽ ഒരാൾ മരണപ്പെട്ടു. അപകട സമയത്ത് കടയിലുണ്ടായിരുന്ന വിജയൻ എന്നയാൾക്കാണ് മരണപ്പെട്ടത്. വിദ്യാർഥികളടക്കം 12 പേർക്ക് പരുക്കേറ്റു. പരുക്കേറ്റവരിൽ ഒരു വിദ്യാർഥിയുടെ നില ഗുരുതരമാണെന്നാണ് വിവരം. അപകടത്തിൽ പരുക്കേറ്റ വിജയനെ ആശുപത്രിയിലേക്ക് കൊണ്ടുപോകുന്നതിനിടെയാണ്  അന്ത്യം.

ALSO READ: ഭക്ഷണം കഴിച്ച ശേഷം ​ഹോട്ടലിൽ തുകയായി നൽകുന്നത് ചില്ലറകൾ; എണ്ണി തിട്ടപ്പെടുത്തുന്നതിനിടെ നേർച്ചപ്പെട്ടിയുമായി കടന്നുകളയും; മോഷ്ടാവ് പിടിയിൽ

ദാറുൽ ഹുദാ സ്കൂളിന്റെ ബസാണ് അപകടത്തിൽപ്പെട്ടത്. സ്കൂൾ വിട്ട് കഴിഞ്ഞ് വിദ്യാർഥികളുമായി പോകവെ ബസിന്റെ നിയന്ത്രണം നഷ്ടപ്പെടുകയായിരുന്നു. പരുക്കേറ്റ 12 പേരിൽ 10 പേരുടെ പരുക്ക് ഗുരുതരമല്ല.   വിദ്യാർഥിയടക്കം രണ്ട് പേർ ആശുപത്രിയിലെ തീവ്രപരിചരണത്തിലാണ്.

ALSO READ: മകന് ഇ.ഡി സമൻസ് ലഭിച്ചിട്ടില്ല, രണ്ട് മക്കളിലും അഭിമാനം മാത്രം: മുഖ്യമന്ത്രി പിണറായി വിജയൻ

അപകടത്തിന്റെ കാരണം സംബന്ധിച്ച് പൊലിസ് അന്വേഷണം ആരംഭിച്ചു. പ്രാഥമിക വിവരങ്ങൾ പ്രകാരം ബസ് അമിതവേഗത്തിലായിരുന്നുവെന്നും ഡ്രൈവറുടെ അശ്രദ്ധയും കാരണമായെന്നും സൂചനയുണ്ട്. സ്ഥലത്തെത്തിയ പൊതുജനങ്ങളും രക്ഷാപ്രവർത്തനത്തിന് സഹായിച്ചു. പരുക്കേറ്റവരെ അടുത്തുള്ള ആശുപത്രികളിലേക്ക് മാറ്റി.

In Edappal, a school bus lost control and crashed into a shop, killing one person, Vijayan, and injuring 12 others, including students. One student is in critical condition. The Darul Huda school bus accident left 10 with minor injuries. Police are investigating the cause.