ദുബൈ: ദുബൈയിലെ പ്രധാനപ്പെട്ട വിനോദ കേന്ദ്രങ്ങളിലൊന്നായ ഗ്ലോബൽ വില്ലേജ് നാളെ (2025 ഒക്ടോബർ 15) തുറക്കും. എന്നാൽ സന്ദർശകർക്ക് ഒരു സന്തോഷ വാർത്തയുണ്ട്. എന്താണെന്നല്ലേ... ആദ്യ പത്ത് ദിവസങ്ങളിൽ ഒരു സൗജന്യ പ്രവേശനം നേടാനുള്ള അവസരമാണ് നിങ്ങളെ കാത്തിരിക്കുന്നത്.

GDRFA ദുബൈ, വിസകളിലും എത്തിച്ചേരുന്ന യാത്രക്കാരുടെ പാസ്‌പോർട്ടുകളിലും 30-ാം സീസണിന്റെ പ്രത്യേക സ്റ്റാമ്പ് പതിക്കുന്നു. ഈ സ്റ്റാമ്പ് കൈവശം വെച്ച് ഗ്ലോബൽ വില്ലേജിൽ എത്തിയാൽ, ഫെസ്റ്റിവലിന്റെ ആദ്യ പത്ത് ദിവസങ്ങളിൽ ഒരു തവണ സൗജന്യ പ്രവേശനം ലഭിക്കും.

നിബന്ധന: എൻട്രി സ്റ്റാമ്പിനൊപ്പം ​ഗ്ലോബൽ വില്ലേജ് 30-ാം സീസണിന്റെ പ്രത്യേക സ്റ്റാമ്പ് പാസ്‌പോർട്ടിൽ ഉണ്ടായിരിക്കണം.

ALSO READ: 'മഴ തേടി യുഎഇ': വെള്ളിയാഴ്ച മഴയെത്തേടുന്ന നിസ്കാരത്തിന് ആഹ്വാനം ചെയ്ത് ശൈഖ് മുഹമ്മദ് ബിൻ സായിദ് അൽ നഹ്യാൻ

ലൈവ് ഷോകൾ, ലോകമെമ്പാടുമുള്ള രുചികരമായ വിഭവങ്ങൾ, എല്ലാ പ്രായക്കാർക്കും ആസ്വദിക്കാവുന്ന ഗെയിമുകൾ എന്നിവയുമായി അതി​ഗംഭീര തിരിച്ചുവരവിനാണ് ഗ്ലോബൽ വില്ലേജ് പദ്ധതിയിടുന്നത്.

ഈ സീസണിൽ, ഗ്ലോബൽ വില്ലേജ് ഡ്രീം ദുബൈയുമായി ചേർന്ന് 'ഷോപ്പ് ആൻഡ് വിൻ' കാമ്പയിൻ ആരംഭിക്കുന്നു. ഇതിൽ പ്രതിവാര, ദ്വൈവാര, മാസം, ത്രൈമാസ പുരസ്കാരങ്ങൾക്ക് പുറമെ 10 മില്യൺ ദിർഹത്തിന്റെ ഗ്രാൻഡ് പ്രൈസും ഉൾപ്പെടുന്നു.

ഉദ്ഘാടന ദിവസം മുതൽ, ഗ്ലോബൽ വില്ലേജിലേക്കുള്ള ഓരോ പ്രവേശന ടിക്കറ്റും സ്വയമേവ ഒരു റാഫിൾ എൻട്രിയായി മാറും. പണം, സ്വർണം, ഐഫോണുകൾ, ആഡംബര കാറുകൾ തുടങ്ങിയവ ഉൾപ്പെടുന്ന സമ്മാനങ്ങൾ നേടാനുള്ള അവസരമാണ് ഓരോ സന്ദർശനവും. എല്ലാ വ്യാഴാഴ്ച രാത്രിയും ഗ്ലോബൽ വില്ലേജ് മെയിൻ സ്റ്റേജിൽ തത്സമയ നറുക്കെടുപ്പ് നടക്കും.

Get ready for an unforgettable experience! Global Village Dubai is set to open its gates on October 15, 2025, for its 30th season. Visitors can enjoy free entry for the first 10 days by getting their passport stamped with the Global Village logo at Dubai Immigration or obtaining a visa with the logo.