ദുബൈ: യുഎഇ ദേശീയ ഫുട്ബോൾ ടീമിനുള്ള പിന്തുണയുടെ ഭാഗമായി, ടെലികോം ഭീമനായ e& ഒരു കിടിലൻ ഓഫർ പ്രഖ്യാപിച്ചിരിക്കുകയാണ്. ഇന്ന് 2026 ഫിഫ ലോകകപ്പിനുള്ള യോഗ്യതാ മത്സരത്തിൽ യുഎഇ ഖത്തറിനെതിരെ നേടുന്ന ഓരോ ഗോളിനും 5 ജിബി സൗജന്യ ഡാറ്റ ലഭിക്കും. പോസ്റ്റ്‌പെയ്ഡ്, പ്രീപെയ്ഡ് ഉപയോക്താക്കൾക്ക് ഈ ഓഫർ ലഭിക്കും.

ഈ ഓഫർ പ്രയോജനപ്പെടുത്താൻ, ഉപഭോക്താക്കൾ കുറച്ചു കാര്യങ്ങൾ ചെയ്യേണ്ടതുണ്ട്. ആദ്യം e& യുഎഇ മൊബൈൽ ആപ്ലിക്കേഷനിൽ 'Join Now' ബട്ടൺ ക്ലിക്ക് ചെയ്യുക. തുടർന്ന്, ഖത്തറിനെതിരായ ലോകകപ്പ് യോഗ്യതാ മത്സരം പൂർത്തിയായതിന് ശേഷം, അടുത്ത ദിവസം രാവിലെ 10 മണിക്ക് ഉപഭോക്താവിന് ഡാറ്റ ലഭിക്കും. 

ALSO READ: നിങ്ങളറിഞ്ഞോ? ഫ്രീ ആയിട്ട് ​ഗ്ലോബൽ വില്ലേജ് കാണാം; എങ്ങനെയെന്നല്ലേ, ഉത്തരം ഇവിടെയുണ്ട്

ബോണസ് ഡാറ്റയുടെ നിബന്ധനകൾ ആരാധകർ ശ്രദ്ധിക്കേണ്ടത് പ്രധാനമാണ്. ഓരോ ഗോളിനും ലഭിക്കുന്ന സൗജന്യ ലോക്കൽ ഡാറ്റ, ക്രെഡിറ്റ് ചെയ്യപ്പെട്ട തീയതി മുതൽ മൂന്ന് ദിവസത്തേക്ക് കാലാവധിയുള്ളതായിരിക്കും. 

അതേസമയം, നേരത്തെ എഎഫ്സി 2026 ലോകകപ്പ് യോഗ്യതാ മത്സരത്തിന്റെ നാലാം റൗണ്ടിൽ യുഎഇ ഒമാനെതിരെ മത്സരിച്ചപ്പോഴും ഇത്തരം ഒരു ഓഫർ ഇ& നൽകിയിരുന്നു. ഒമാനെതിരെ യുഎഇ ടീം നേടുന്ന ഓരോ ​​ഗോളിനും ഉപഭോക്താക്കൾക്ക് രണ്ട് ജിബി ഡാറ്റ വീതം നൽകുമെന്നാണ് അന്ന് കമ്പനി പ്രഖ്യാപിച്ചത്. പ്രീപെയ്ഡ്, പോസ്റ്റ്പെയ്ഡ് ഉപയോക്താൾക്ക് ഈ ഓഫർ ലഭിക്കും. കൂടാതെ, ഖത്തറിലേക്ക് മത്സരത്തിനായി പോകുന്ന ആരാധകർക്ക് 2 ജിബി റോമിങ് ഡാറ്റയും സൗജന്യമായി ലഭിച്ചിരുന്നു. 

Telecom giant e& is celebrating the UAE national football team's spirit by offering 5GB of free data to postpaid and Wasel prepaid users for every goal scored against Qatar in the 2026 FIFA World Cup qualifiers today. To avail of this offer, customers need to opt-in via the e& UAE mobile app.