ദുബൈ: ദുബൈയിലെ ഡെലിവറി ബോയ്സിന് മുന്നറിയിപ്പുമായി ആർടിഎ. അശ്രദ്ധമായി ബൈക്ക് ഓടിച്ചാൽ ലൈസൻസ് റദ്ദാക്കും. ഡെലിവറി ബൊയ്സിന്റെ ഡ്രൈവിം​ഗ് നിരീക്ഷിക്കാനായി ആധുനിക സംവിധാനം അവതരിപ്പിക്കും. ടെലിമാറ്റിക്സ്, ആർട്ടിഫിഷ്യൽ ഇൻ്റലിജൻസ് (AI) ക്യാമറകൾ, ജിപിഎസ്, സെൻസറുകൾ എന്നിവ ഉപയോഗിച്ചാകും ആർടിഎ ഡെലിവറി ബോയ്സിനെ നിരീക്ഷിക്കുക. സുരക്ഷിതമല്ലാത്ത ഡ്രൈവിംഗ് രീതികൾ കണ്ടെത്തിയാൽ അശ്രദ്ധരായി വാഹനമോടിക്കുന്ന ഡെലിവറി ബോയ്സിന്റെ ലൈസൻസ് റദ്ദാക്കും.

ALSO READ: ഗോൾഡൻ വിസ ഉടമകൾക്ക് പുതിയ സേവനങ്ങൾ പ്രഖ്യാപിച്ച് യുഎഇ; പ്രത്യേക ഹോട്ട്‌ലൈനടക്കം നിരവധി ആനുകൂല്യങ്ങൾ 

65,000 ഡെലിവറി ബൈക്കുകൾ നിരീക്ഷണത്തിൽ

ദുബൈയിൽ നിലവിൽ ഏകദേശം 65,000 ഡെലിവറി ബോയ്സ് ഉണ്ടെന്നും ഈ എണ്ണം ഇനിയും വർധിക്കുമെന്നുമാണ് പ്രതീക്ഷിക്കുന്നതെന്നും RTA-യിലെ അസറ്റ് മാനേജ്‌മെൻ്റ് ഡയറക്ടർ സയീദ് അൽറാംസി പറഞ്ഞു. പുതിയ സാങ്കേതികവിദ്യയിലൂടെ താഴെ പറയുന്ന കാര്യങ്ങൾ നിരീക്ഷിക്കാനാകും:

• അമിത വേഗത, കഠിനമായ ബ്രേക്കിംഗ്, മൂർച്ചയുള്ള വളവുകൾ.
• സുരക്ഷാ ഗിയറിൻ്റെ ഉപയോഗം.
• ജിയോഫെൻസിംഗ് വഴി നിശ്ചയിച്ച റൂട്ടുകളിൽ നിന്നുള്ള വ്യതിയാനം.

നിയമം ലംഘിക്കുന്നവർക്ക് ലൈസൻസ് നഷ്ടമാകും

അപകടകരമായി വാഹനമോടിക്കുന്നവരെ ആദ്യം വീണ്ടും പരിശീലനത്തിന് അയക്കും. എന്നിട്ടും മാറ്റമില്ലെങ്കിൽ, ഡെലിവറിക്കായി വാഹനമോടിക്കാനുള്ള അനുമതി (ലൈസൻസ്) റദ്ദാക്കുമെന്ന് അൽറാംസി വ്യക്തമാക്കി. അതേസമയം, മികച്ച ഡ്രൈവർമാർക്ക് അവാർഡുകൾ നൽകുമെന്നും അദ്ദേഹം കൂട്ടിച്ചേർത്തു.

"എല്ലാ കാര്യങ്ങൾക്കും ഡ്രൈവർമാരെ മാത്രം കുറ്റപ്പെടുത്താൻ ഞങ്ങൾ ആഗ്രഹിക്കുന്നില്ല. ക്യാമറകൾ എല്ലാം റെക്കോർഡ് ചെയ്യും, ചിലപ്പോൾ മറ്റ് കാറുകൾ അവരുടെ നേർക്ക് തിരിയുന്ന സാഹചര്യങ്ങളുണ്ടാകാം," അൽറാംസി പറഞ്ഞു. റോഡിൻ്റെ അവസ്ഥയും അപകട കാരണവും  രേഖപ്പെടുത്തി അപകടങ്ങളിലെ യഥാർത്ഥ പിഴവുകൾ നിർണ്ണയിക്കാൻ ഈ ക്യാമറകൾ സഹായിക്കും.

ALSO READ: ബിആർ ഷെട്ടി എസ്ബിഐയ്ക്ക് 46 മില്യൺ ഡോളർ നൽകണം; വ്യാജ സത്യവാങ്മൂലം സമർപ്പിച്ച കേസിൽ ഉത്തരവുമായി ദുബൈ കോടതി 

നിലവിൽ ഒന്നിലധികം ഓപ്പറേറ്റർമാരുമായി സഹകരിച്ച് കൺസെപ്റ്റ് പ്രൂഫ് (POC) പരീക്ഷണം നടത്തി വരികയാണ് RTA. 2026-ൻ്റെ ആദ്യ പാദത്തോടെ കൺസെപ്റ്റ് പ്രൂഫ് അവസാനിക്കുമെന്നാണ് പ്രതീക്ഷിക്കുന്നത്. അതിനുശേഷം എല്ലാ ഡെലിവറി ബൈക്കുകളിലും ഈ സംവിധാനം പൂർണ്ണമായി സ്ഥാപിക്കും.

2026 അവസാനത്തോടെ ദുബൈയിലെ മുഴുവൻ ഡെലിവറി വാഹനങ്ങളെയും നിരീക്ഷിക്കാനാണ് അതോറിറ്റി ലക്ഷ്യമിടുന്നത്. അപ്പോഴേക്കും ബൈക്കുകളുടെ എണ്ണം 75,000 ആയി ഉയരുമെന്നാണ് കണക്കാക്കുന്നത്. പരീക്ഷണ ഓട്ടം പൂർത്തിയായാൽ, ദുബൈയിലെ എല്ലാ ഡെലിവറി പ്ലാറ്റ്‌ഫോമുകളും കൊറിയർ കമ്പനികളും ഈ സംവിധാനം നടപ്പാക്കാൻ നിർബന്ധിതമാകും. 2026 അവസാനത്തോടെ എല്ലാ ബൈക്കുകളും നിരീക്ഷണത്തിലാകുമെന്ന് അൽറാംസി പൊതുജനങ്ങൾക്ക് ഉറപ്പുനൽകി.

dubai's roads and transport authority (rta) is rolling out an ai-powered safety system to track 65,000 delivery bike riders using telematics, gps, and cameras. it detects unsafe behaviors like speeding and harsh braking, leading to license revocations for dangerous drivers while rewarding the safest ones.