തിരുവനന്തപുരം: കെ എസ് ആർ ടി സി ബസിന്റെ വാതിൽ തുറന്ന് പുറത്തേക്ക് തെറിച്ച് വീണ് വിദ്യാർഥിനിക്ക് പരുക്ക്. കൊല്ലം സ്വദേശിയായ എംടെക് ബിരുദധാരിയായ വിദ്യാർഥിനിക്കാണ് ബസിൽ നിന്ന് വീണ് ഗുരുതരമായി പരുക്കേറ്റത്. പാപ്പനംകോട് ശ്രീചിത്ര എഞ്ചിനീയറിങ് കോളേജിലെ വിദ്യാർഥിനിയായ മറിയ (22) പൂവാർ ഭാഗത്ത് നിന്ന് നഗരത്തിലേക്ക് വരികയായിരുന്നു ബസിൽ നിന്നാണ് വീണത്.

വീഴ്ചയിൽ തലയ്ക്ക് ഗുരുതര പരുക്കേറ്റ വിദ്യാർഥിയെ ആദ്യം അമ്പലത്തറയിലും പിന്നീട് ചാക്കയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇന്ന് രാവിലെ 9 മണിയോടെയാണ് പാറവിളയ്ക്ക് സമീപമുള്ള അഞ്ചാംകല്ല് ബസ് സ്റ്റോപ്പിൽ നിന്ന് മറിയ ബസിൽ കയറിയത്.

പാച്ചല്ലൂർ അഞ്ചാംകല്ല് പുത്തൻവീട്ടിലെ ബന്ധു വീട്ടിൽ താമസിക്കുന്ന മറിയ കോളേജിലേക്ക് പോവുകയായിരുന്നു. ബസിൽ തിരക്കായതിനാൽ കയറി 20 മീറ്റർ മുന്നോട്ട് നീങ്ങിയപ്പോൾ ബാലൻസ് നഷ്ടപ്പെട്ട് ഡോറിന് അടുത്ത് നിന്ന മറിയ പുറത്തേക്ക് വീണു. ബാഗിന്റെ വള്ളി വാതിലിന്റെ ലോക്കിൽ കുടുങ്ങിയതാണ് വാതിൽ തുറന്ന് അപകടം സംഭവിക്കാൻ കാരണമായതെന്ന് പ്രാഥമിക നിഗമനം. തലയ്ക്കുള്ളിൽ രക്തസ്രാവം കണ്ടെത്തിയതിനെ തുടർന്ന് വിദഗ്ധ ചികിത്സ നൽകി 

A 22-year-old engineering student from Kollam suffered severe head injuries after falling from an open KSRTC bus door in Thiruvananthapuram. Mary, an M.Tech student at Sri Chitra Engineering College, lost balance in the crowded bus when her bag snagged on the door lock, causing it to open. She was rushed to private hospitals in Ambalathara and Chakkai, where internal bleeding was detected and expert treatment provided. The incident occurred near Paravila while heading to college from a relative's home.