ഹാങ്‌ഷൗ: ശനിയാഴ്ച ഹാങ്‌ഷൗവിൽ നിന്ന് നിന്ന് സോളിലേക്ക് പുറപ്പെട്ട എയർ ചൈന വിമാനം (Air China flight) ഷാങ്ഹായിലേക്ക് തിരിച്ചുവിട്ടു. വിമാനത്തിലെ യാത്രക്കാരന്റെ കൈവശമുണ്ടായിരുന്ന ബാഗിൽ സൂക്ഷിച്ചിരുന്ന ലിഥിയം ബാറ്ററിക്ക് തീപിടിച്ചതാണ് വിമാനം ഷാങ്ഹായിലേക്ക് തിരിച്ചുവിടാൻ കാരണമായത്. 

Fire breaks out in the overhead luggage bin on board Air China flight CA139 while flying between Hangzhou and Seoul.

It is understood that the cause of the fire was a lithium battery in a passenger's luggage spontaneously combusting.

The cabin crew contained the fire and the… pic.twitter.com/IV5LEYxIy5

— Breaking Aviation News & Videos (@aviationbrk) October 18, 2025

ചൈനീസ് സോഷ്യൽ മീഡിയ പ്ലാറ്റ്‌ഫോമായ വെയ്‌ബോയിൽ (Weibo) എയർ ചൈന പങ്കുവെച്ച പ്രസ്താവനയിൽ ഇങ്ങനെ പറയുന്നു: "CA139 ഫ്ലൈറ്റിൽ ഓവർഹെഡ് ബിന്നിൽ വെച്ചിരുന്ന ഒരു യാത്രക്കാരന്റെ ലഗേജിലെ ലിഥിയം ബാറ്ററിയിൽ നിന്ന് തീ പടരുകയായിരുന്നു." സുരക്ഷാ നടപടികൾ അനുസരിച്ച് കാബിൻ ക്രൂ വേഗത്തിൽ തീ അണച്ചു. സംഭവത്തിൽ പരിക്കുകളൊന്നും റിപ്പോർട്ട് ചെയ്തിട്ടില്ല.

ALSO READ: ഹിന്ദു മതത്തിൽപ്പെട്ട പെൺകുട്ടികൾ ജിമ്മുകളിൽ പോകരുത്, ജിമ്മിലുള്ളവർ നിങ്ങളെ വഞ്ചിക്കും: വിവാദ പ്രസ്താവനയുമായി മഹാരാഷ്ട്ര ബിജെപി എം എൽ എ; രൂക്ഷ വിമർശനം

അടിയന്തര ലാൻഡിംഗ്

പ്രാദേശിക സമയം രാവിലെ 9:47-നാണ് വിമാനം ഹാങ്‌ഷൗവിൽ നിന്ന് പുറപ്പെട്ടത്. എന്നാൽ യാത്രക്കിടെ നേരിട്ട അടിന്തര സാഹചര്യത്തെ തുടർന്ന് വിമാനം ഷാങ്ഹായ് പുഡോംഗ് അന്താരാഷ്ട്ര വിമാനത്താവളത്തിലേക്ക് തിരിച്ചുവിട്ടു. 

രാവിലെ 11 മണിയോടെ വിമാനം ഷാങ്ഹായിൽ സുരക്ഷിതമായി ലാൻഡ് ചെയ്തു. ചൈനീസ് മാധ്യമമായ ജിമു ന്യൂസ് പുറത്തുവിട്ട ചിത്രങ്ങളിൽ, ഓവർഹെഡ് കമ്പാർട്ടുമെന്റിൽ നിന്ന് തീയും പുകയും ഉയരുന്നത് കാണാം. തീ അണയ്ക്കുന്നതിനായി ഒരു യാത്രക്കാരൻ വിമാനത്തിലെ ജീവനക്കാരെ സഹായിക്കുന്നതും ദൃശ്യങ്ങളിലുണ്ട്. 

ALSO READ: അതിശക്തമായ മഴയ്ക്ക് സാധ്യത: വിവിധ ജില്ലകളില്‍ ഇന്നും നാളെയും ഓറഞ്ച്, യെല്ലോ അലര്‍ട്ട്, ജാഗ്രതാ നിര്‍ദേശം

ഫ്ലൈറ്റ് ട്രാക്കിംഗ് വെബ്‌സൈറ്റായ ഫ്ലൈറ്റ്റഡാർ24 (Flightradar24) സംഭവം സ്ഥിരീകരിച്ചു. വിമാനം കടലിനു മുകളിലൂടെ യു-ടേൺ എടുത്ത് ചൈനയിലേക്ക് മടങ്ങുന്നതും വെബ്സൈറ്റ് കാണിച്ചു. അതേസമയം,  ബാറ്ററിക്ക് തീപിടിക്കാനുണ്ടായ കാരണം കണ്ടെത്താൻ അന്വേഷണം ആരംഭിച്ചിട്ടുണ്ടെന്ന് വിമാനക്കമ്പനി വ്യക്തമാക്കി. യാത്രക്കാരുടെ സുരക്ഷയാണ് തങ്ങളുടെ പ്രഥമ പരി​ഗണനയെന്നും എയർ ചൈന കൂട്ടിച്ചേർത്തു. 

An Air China flight from Hangzhou to Seoul was forced to make an emergency landing in Shanghai after a lithium battery in a passenger's carry-on bag caught fire mid-air. The crew swiftly followed emergency protocols, containing the fire and ensuring the safety of all 162 passengers and 8 crew members on board.