കോഴിക്കോട്: സ്വകാര്യ ബസുകളുടെ മത്സരയോട്ടത്തിനിടെ സ്കൂട്ടർ യാത്രക്കാരിക്ക് ദാരുണാന്ത്യം. ബസ് ദേഹത്തുകൂടി കയറിയിറങ്ങിയാണ് പള്ളിക്കൽ സ്വദേശിനിയായ തസ്ലീമ മരിച്ചത്.

രാമനാട്ടുകരയിൽ വെച്ചാണ് അപകടം നടന്നത്. കോഴിക്കോട് നിന്ന് മഞ്ചേരിയിലേക്ക് പോവുകയായിരുന്ന സ്വകാര്യ ബസ് സ്കൂട്ടറിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് വീണ തസ്ലീമയുടെ ശരീരത്തിലൂടെ ബസ് കയറിയിറങ്ങുകയായിരുന്നു.

നാട്ടുകാർ ഉടൻ തന്നെ തസ്ലീമയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. മൃതദേഹം നിലവിൽ ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും. സംഭവത്തിൽ പൊലിസ് അന്വേഷണം ആരംഭിച്ചു.