കണ്ണൂര്‍: കണ്ണൂരില്‍ കോടതിമുറിയില്‍ പ്രതികളുടെ ഫോട്ടോയെടുത്ത സി.പി.എം വനിതാ നേതാവ് കസ്റ്റഡിയില്‍. കണ്ണൂര്‍ തളിപ്പറമ്പ് അഡീഷണല്‍ ജില്ലാ സെഷന്‍സ് കോടതിയില്‍ ധനരാജ് വധക്കേസിലെ വിചാരണ നടക്കുന്നതിനിടെയാണ് സംഭവം. പ്രതികളുടെ ഫോട്ടോ എടുത്ത പയ്യന്നൂര്‍ നഗരസഭ മുന്‍ വൈസ് ചെയര്‍പേഴ്‌സണ്‍ കെപി ജ്യോതിയെ അറസ്റ്റ് ചെയ്യാന്‍ കോടതി ഉത്തരവിടുകയായിരുന്നു. 

സംഭവത്തില്‍ അറസ്റ്റ് അടക്കമുള്ള തുടര്‍നടപടികളുമായി മുന്നോട്ടുപോകുമെന്ന് പൊലിസ് പറഞ്ഞു. ജഡ്ജിയില്‍ നിന്ന് ഔദ്യോഗികമായി പരാതി വാങ്ങിയശേഷമായിരിക്കും തുടര്‍ നടപടി.

ALSO READ: അമീബിക് മസ്തിഷ്‌ക ജ്വരം: തിരുവനന്തപുരത്ത് ചികിത്സയിലായിരുന്ന വയോധിക മരിച്ചു 

2016 ജൂലൈ 11നാണ് പയ്യന്നൂരിലെ സി.പി.എം പ്രവര്‍ത്തകനായ സിവി ധനരാജിനെ വെട്ടിക്കൊലപ്പെടുത്തുന്നത്. 20 പ്രതികളാണ് കേസിലുള്ളത്. ബി.ജെ.പി, ആര്‍.എസ്.എസ് പ്രവര്‍ത്തകരാണ് പ്രതികള്‍.

English Summary: cpim woman leader has been taken into custody for allegedly taking photographs of the accused inside a courtroom, which is a serious violation of court protocol and legal norms.