ദോഹ: ഗസ്സയിൽ ഇസ്റാഈൽ നടത്തിക്കൊണ്ടിരിക്കുന്നത് വംശഹത്യ (Genocide) അല്ലാതെ മറ്റൊന്നുമല്ലെന്ന് ഖത്തർ അമീർ തമീം ബിൻ ഹമദ് അൽ താനി. ഒക്ടോബർ 21 ചൊവ്വാഴ്ച ഷൂറ കൗൺസിലിന്റെ ഉദ്ഘാടന സമ്മേളനത്തിൽ സംസാരിക്കുകയായിരുന്നു അദ്ദേഹം.

"കഴിഞ്ഞ രണ്ട് വർഷമായി ഗസ്സയിൽ നടന്നത് ഒരു വംശഹത്യയാണ്. ഫലസ്തീൻ ജനതയുടെ ദുരന്തത്തിന്റെ കാര്യത്തിൽ അന്താരാഷ്ട്ര സമൂഹം ഇപ്പോഴും നീതി നടപ്പാക്കാൻ കഴിയാത്തവരാണ്," അൽ താനി പറഞ്ഞതായി അൽ ജസീറ റിപ്പോർട്ട് ചെയ്തു.

ALSO READ: ധനാനുമതി ബില്‍ വീണ്ടും പാസായില്ല; യു.എസിലെ ഷട്ട്ഡൗണ്‍ മൂന്നാമത്തെ ആഴ്ചയിലേക്ക് 

ഇസ്റാഈലിനെതിരെ വിമർശനം

ഇസ്റാഈലിന്റെ ആവർത്തിച്ചുള്ള വെടിനിർത്തൽ ലംഘനങ്ങളെ ഖത്തർ അമീർ ശക്തമായി അപലപിച്ചു. കൂടാതെ, അന്താരാഷ്ട്ര സമൂഹം ഇസ്റാഈലിനെതിരെ ഉത്തരവാദിത്തം ചുമത്തണമെന്നും അദ്ദേഹം ആവശ്യപ്പെട്ടു.

ഗസ്സ മുനമ്പിനെ വാസയോഗ്യമല്ലാത്ത പ്രദേശമാക്കി മാറ്റാനുള്ള ശ്രമങ്ങൾ, വെടിനിർത്തൽ കരാർ ലംഘനം, അധിനിവേശ വെസ്റ്റ് ബാങ്കിലെ കുടിയേറ്റ കേന്ദ്രങ്ങളുടെ വികസനം, അൽ അഖ്‌സ മസ്ജിദ് കോമ്പൗണ്ടിനെ ജൂതവൽക്കരിക്കാനുള്ള ശ്രമങ്ങൾ എന്നിവയെ ഖത്തർ അപലപിക്കുന്നതായി അദ്ദേഹം ആവർത്തിച്ചു. ഗസ്സ മുനമ്പ് ഫലസ്തീന്റെ അവിഭാജ്യ ഘടകവും ഫലസ്തീൻ ഒരു ഏകീകൃത രാഷ്ട്രമാണ് എന്നും അദ്ദേഹം അടിവരയിട്ടു.

ALSO READ: വെടിനിര്‍ത്തല്‍ ലംഘിക്കുന്നത് ഹമാസെന്ന് ട്രംപ്; ലംഘനം തുടര്‍ന്നാല്‍ തുടച്ചു നീക്കുമെന്ന് ഭീഷണിയും 

മധ്യസ്ഥ ശ്രമങ്ങൾക്കുള്ള പിന്തുണ ഖത്തർ തുടരും

ഈ വർഷം ജൂണിൽ ഇറാനും പിന്നീട് സെപ്റ്റംബറിൽ ഇസ്റാഈലും ഖത്തറിൻ്റെ പരമാധികാരം ലംഘിച്ചെന്നും അമീർ ആരോപിച്ചു. എങ്കിലും, "മുൻകാല ആക്രമണങ്ങളുടെ ഫലമായി ഖത്തർ ഇപ്പോൾ കൂടുതൽ ശക്തമാണ്," അദ്ദേഹം പറഞ്ഞു.

ഫലസ്തീൻ നേരിടുന്ന വെല്ലുവിളികൾക്കിടയിലും മധ്യസ്ഥ ശ്രമങ്ങൾക്കുള്ള പിന്തുണ ഖത്തർ തുടരുമെന്ന് അൽ താനി വ്യക്തമാക്കി. 

"ഫലസ്തീൻ രാഷ്ട്രം നേടിയെടുക്കുന്നതുവരെ ഖത്തർ മധ്യസ്ഥത വഹിക്കുന്നത് തുടരും. ഫലസ്തീൻ ജനതയെ ഞങ്ങൾ ഉപേക്ഷിക്കില്ല," അദ്ദേഹം കൂട്ടിച്ചേർത്തു.

qatar's emir sheikh tamim bin hamad al thani declares unwavering support for the palestinian people, vowing qatar will not abandon them and will persist in mediation efforts—alongside egypt and the us—until a sovereign palestinian state is established on 1967 borders with east jerusalem as capital. in his un general assembly address, he condemns israeli ceasefire violations and genocide in gaza, urging global recognition of palestine to end the occupation and promote two-state solution. qatar's humanitarian role strengthens amid regional tensions.