എഎഫ്‌സി ചാമ്പ്യൻസ് ലീഗിൽ നാളെ നടക്കുന്ന സഊദി വമ്പന്മാരായ അൽ നസറും എഫ്‌സി ഗോവയുമാണ് നേർക്കുനേർ എത്തുന്നത്. ഗോവയിലെ പണ്ഡിറ്റ് ജവഹർലാൽ നെഹ്റു സ്റ്റേഡിയത്തിലാണ് മത്സരം നടക്കുന്നത്. അൽ നസറിനൊപ്പം സൂപ്പർതാരം ക്രിസ്റ്റ്യാനോ റൊണാൾഡോ ഇന്ത്യയിലെത്തുമെന്ന വാർത്തകൾ ശക്തമായി നിലനിന്നിരുന്നു. എന്നാൽ ആരാധകരെ നിരാശരാക്കികൊണ്ട് അൽ നസർ പരിശീലകൻ ജോർജ് ജീസസ് റൊണാൾഡോയെ ടീമിൽ ഉൾപ്പെടുത്തിയില്ല. റൊണാൾഡോയെ ടീമിൽ ഉൾപ്പെടുത്തതിന്റെ കാരണത്തെക്കുറിച്ച് അൽ നസർ പരിശീലകൻ സംസാരിച്ചിരുന്നു. 

"എല്ലാവരും ക്രിസ്റ്റ്യാനോ റൊണാൾഡോയെ സ്നേഹിക്കുന്നു. റൊണാൾഡോക്ക് ഒരുപാട് ആരാധകരുണ്ട്. സഊദി അറേബ്യക്ക് പുറത്ത് ടീം കളിക്കുമ്പോൾ അദ്ദേഹത്തിന് വിശ്രമം നൽകാൻ ഞങ്ങൾ തീരുമാനിച്ചു. എല്ലാവരും അദ്ദേഹത്തെ കാണാൻ ആഗ്രഹിക്കുന്നു. ലീഗിലെ അടുത്ത മത്സരത്തിനായുള്ള തയ്യാറെടുപ്പിനായി ഞങ്ങൾ റൊണാൾഡോയെ റിയാദിൽ തന്നെ നിലനിർത്താൻ തീരുമാനിച്ചു'' ജോർജ് ജീസസ് പറഞ്ഞു. 

അതേസമയം അൽ ഫത്തേഹിനെതിരെ കഴിഞ്ഞ മത്സരത്തിൽ വമ്പൻ വിജയമാണ് അൽ നാസർ സ്വന്തമാക്കിയത്. ഒന്നിനെതിരെ അഞ്ചു ഗോളുകളുടെ തകർപ്പൻ വിജയമാണ് അൽ ഫത്തേഹിനെതിരെ അൽ നസർ സ്വന്തമാക്കിയത്. മത്സരത്തിൽ ഒരു ഗോൾ നേടിയും റൊണാൾഡോ തിളങ്ങിയിരുന്നു. ഈ ഗോളിന് പിന്നാലെ ഒരു ചരിത്ര നേട്ടവും പോർച്ചുഗീസ് ഇതിഹസം സ്വന്തമാക്കിയിരുന്നു.

ക്ലബ് ഫുട്ബോളിൽ 800 ഗോളുകളെന്ന നാഴികക്കല്ലിലേക്കാണ് റൊണാൾഡോ നടന്നുകയറിയത്. ഈ നേട്ടം സ്വന്തമാക്കുന്ന ചരിത്രത്തിലെ ആദ്യ താരവും റൊണാൾഡോ തന്നെയാണ്. മത്സരത്തിൽ റൊണാൾഡോക്ക് പുറമെ പോർച്ചുഗീസ് താരം ജാവോ ഫെലിക്സ് ഹാട്രിക് നേടിയും തിളങ്ങി. ഫ്രഞ്ച് താരം കിങ്സ്ലി കോമനും അൽ നസറിനായി ലക്ഷ്യം കണ്ടു. സോഫിയാൻ ബെൻഡെബ്ജയാണ് അൽ നസറിനായി ആശ്വാസ ഗോൾ നേടിയത്. 

ലോകകപ്പ് യോഗ്യത മത്സരങ്ങളിലും മിന്നും പ്രകടനമാണ് റൊണാൾഡോ നടത്തിയത്. വേൾഡ് കപ്പ് യോഗ്യത മത്സരങ്ങളിൽ ഏറ്റവും കൂടുതൽ ഗോൾ നേടുന്ന താരമെന്ന റൊണാൾഡോ സ്വന്തമാക്കിയിരുന്നു. വേൾഡ് കപ്പ് ക്വാളിഫയർ മത്സരങ്ങളിൽ പോർച്ചുഗലിനായി 41 ഗോളുകളാണ് റൊണാൾഡോ ഇതുവരെ അടിച്ചുകൂട്ടിയത്. 39 ഗോളുകൾ നേടിയ ഗ്വാട്ടിമാലയുടെ കാർലോസ് റൂയിസിനെ മറികടന്നു കൊണ്ടാണ് റൊണാൾഡോയുടെ കുതിപ്പ്. 39 ഗോളുകൾ ആയിരുന്നു താരം ലോകകപ്പ് യോഗ്യത മത്സരങ്ങളിൽ നേടിയത്. 

Saudi giants Al Nassr and FC Goa will face off tomorrow in the AFC Champions League. Al Nassr coach has spoken about the reason behind including Cristiano Ronaldo in the Al Nassr squad for this match.