ഇന്ത്യൻ സൂപ്പർതാരം വിരാട് കോഹ്‌ലിയെ പ്രശംസിച്ച് മുൻ ഓസ്‌ട്രേലിയൻ ക്യാപ്റ്റൻ റിക്കി പോണ്ടിങ്. ഏകദിന ഫോർമാറ്റിലെ ഏറ്റവും മികച്ച താരം കോഹ്‌ലിയെന്നാണ് പോണ്ടിങ് പറഞ്ഞത്. ടീമിന് വേണ്ടി മികച്ച വിജയങ്ങൾ നൽകാൻ കോഹ്‌ലിക്ക് സാധിക്കുമെന്നും ഓസ്‌ട്രേലിയൻ ഇതിഹാസം വ്യക്തമാക്കി. ഐസിസി റിവ്യൂസിൽ നൽകിയ അഭിമുഖത്തിൽ സംസാരിക്കുകയായിരുന്നു മുൻ ഓസ്‌ട്രേലിയൻ താരം. 

ചാമ്പ്യൻ താരങ്ങളെ ഒരിക്കലും തള്ളിക്കളയാൻ സാധിക്കില്ല. വിരാടും രോഹിത്തും മികച്ച വൈറ്റ് ബോൾ താരങ്ങളാണ്. ഏകദിനത്തിലെ ഏറ്റവും മികച്ച താരം കോഹ്‌ലിയാണ്. അവരെ ഒരിക്കലും എഴുതിത്തള്ളരുത്. ടീമിനായി മികച്ച സംഭാവനകൾ നൽകാൻ അദ്ദേഹത്തിന് കഴിയും. അങ്ങനെ ചെയ്യുകയാണെങ്കിൽ രണ്ട് പേരും ലോകകപ്പിൽ ഉണ്ടാവും'' റിക്കി പോണ്ടിങ് പറഞ്ഞു. 

നിലവിൽ ഇന്ത്യ-ഓസ്‌ട്രേലിയ ഏകദിന പരമ്പരയിലെ രണ്ടാം മത്സരത്തിനായുള്ള തയ്യാറെടുപ്പിലാണ് കോഹ്‌ലി.  രണ്ടാം ഏകദിന മത്സരം നാളെയാണ് നടക്കുന്നത്. അഡലെയ്ഡിലെ ഓവറിലാണ് മത്സരം നടക്കുന്നത്. ആദ്യ ഏകദിനത്തിൽ നിരാശപ്പെടുത്തുന്ന പ്രകടനമാണ് കോഹ്‌ലി നടത്തിയത്. മത്സരത്തിൽ എട്ടു പന്തുകൾ നേരിട്ട കോഹ്‌ലി റൺസ് ഒന്നും നേടാതെയാണ് മടങ്ങിയത്. മിച്ചൽ സ്റ്റാർക്കിന്റെ പന്തിൽ കൂപ്പർ കൊണോലിക്ക് ക്യാച്ച് നൽകിയാണ് താരം പുറത്തായത്.

ഐസിസി ചാമ്പ്യൻസ് ട്രോഫിക്ക് ശേഷം ആദ്യമായാണ് വിരാട് ഇന്ത്യക്കായി കളിക്കാൻ ഇറങ്ങിയിരുന്നത്. നീണ്ട മാസങ്ങൾക്ക് ശേഷം വീണ്ടും ഇന്ത്യൻ കുപ്പായത്തിൽ കോഹ്‌ലി തിരിച്ചെത്തിയപ്പോൾ മിന്നും പ്രകടനം പുറത്തെടുക്കുമെന്ന ആരാധകരുടെ എല്ലാ പ്രതീക്ഷകൾക്കും മങ്ങലേൽപ്പിച്ചു കൊണ്ടായിരുന്നു കോഹ്‌ലി മടങ്ങിയത്. 

ആദ്യ ഏകദിനത്തിൽ ഏഴു വിക്കറ്റുകളുടെ  വിജയമാണ് ഓസ്ട്രേലിയ സ്വന്തമാക്കിയത്. മഴ തടസ്സപ്പെടുത്തിയ മത്സരം 26 ഓവറുകളാക്കി ചുരുക്കുകയായിരുന്നു. ആദ്യം ബാറ്റ് ചെയ്ത ഇന്ത്യ 26 ഓവറിൽ ഒമ്പത് വിക്കറ്റ് നഷ്ടത്തിൽ 136 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ഓസ്ട്രേലിയ 21.1 ഓവറിൽ മൂന്ന് വിക്കറ്റ് നഷ്ടത്തിൽ ലക്ഷ്യം അനായാസമായി മറികടക്കുകയായിരുന്നു. ആദ്യ മത്സരത്തിൽ പരാജയപ്പെട്ട ഗില്ലും സംഘവും രണ്ടാം മത്സരത്തിൽ വിജയം മാത്രം ലക്ഷ്യം വെച്ചായിരിക്കും കളത്തിൽ ഇറങ്ങുക. രണ്ടാം മത്സരം വിജയിച്ചാൽ ഓസ്ട്രേലിയക്ക് പരമ്പര വിജയം ഉറപ്പാൻ സാധിക്കും. 

Former Australian captain Ricky Ponting has praised Indian superstar Virat Kohli. Ponting said that Kohli is the best player in the ODI format. The Australian legend also stated that Kohli can give great victories for the team.