ന്യൂഡൽഹി: ഒളിമ്പിക് സ്വർണമെഡൽ ജേതാവും രണ്ടുതവണ ഒളിമ്പിക് മെഡൽ നേടിയ താരവുമായ നീരജ് ചോപ്രയ്ക്ക് ടെറിട്ടോറിയൽ ആർമിയിൽ (Territorial Army) ഓണററി ലെഫ്റ്റനന്റ് കേണൽ പദവി നൽകി രാജ്യം ആദരിച്ചു. ഇന്ന് വൈകിട്ട് ന്യൂഡൽഹിയിലെ സൗത്ത് ബ്ലോക്കിൽ നടന്ന ചടങ്ങിൽ പ്രതിരോധ മന്ത്രി രാജ്നാഥ് സിങ് താരത്തിന് പദവിയുടെ ഇൻസിഗ്നിയ നൽകി. 

ഇന്ത്യൻ ആർമി ചീഫ് ജനറൽ ഉപേന്ദ്ര ദ്വിവേദിയും മറ്റ് ഉന്നത ഉദ്യോഗസ്ഥരും ചടങ്ങിൽ സന്നിഹിതരായിരുന്നു. കായികരംഗത്തെ മികച്ച പ്രകടനങ്ങൾക്ക് പുറമെ ദേശസ്നേഹത്തിന്റെയും അച്ചടക്കത്തിന്റെയും പ്രതീകമായാണ് നീരജ് ചോപ്രയെ രാജ്നാഥ് സിങ് വിശേഷിപ്പിച്ചത്.

"ലെഫ്റ്റനന്റ് കേണൽ (ഓണററി) നീരജ് ചോപ്രയുടെ കഠിനാധ്വാനത്തിന്റെയും ദേശസ്നേഹത്തിന്റെയും മികവിനായുള്ള ഇന്ത്യൻ ആത്മാവിന്റെ പ്രതീകമാണ് നീരജ് ചോപ്ര, അദ്ദേഹം അച്ചടക്കം, സമർപ്പണം, ദേശീയ അഭിമാനം എന്നിവയുടെ ഉന്നത ആദർശങ്ങൾ ഉൾക്കൊള്ളുന്നു. കായികലോകത്തിനും സായുധ സേനകൾക്കും ഒരുപോലെ പ്രചോദനമാണ്,എന്നും " രാജ്നാഥ് സിങ് പറഞ്ഞു.

ALSO READ: സമൂസയെച്ചൊല്ലിയുണ്ടായ തർക്കം: 65-കാരനെ വെട്ടിക്കൊന്ന കേസിൽ സ്ത്രീക്ക് വേണ്ടി തിരച്ചിൽ

സൈനിക സേവനം 

2016 ഓഗസ്റ്റ് 26-നാണ് ഇന്ത്യൻ ആർമിയിൽ നായിബ് സുബേദാറായി ചോപ്ര ചേരുന്നത്. തുടർന്ന് 2021-ൽ സുബേദാറായും 2022-ൽ സുബേദാർ മേജറായും സ്ഥാനക്കയറ്റം നേടി. ഹരിയാനയിലെ പാനിപ്പത്തിലെ ഖൻഡ്ര ഗ്രാമത്തിൽ 1997 ഡിസംബർ 24-നാണ് ചോപ്ര ജനിച്ചത്. രജ്പുതാന റൈഫിൾസ് യൂണിറ്റിലാണ് താരം സേവനമനുഷ്ഠിച്ചത്. 2025 ഏപ്രിൽ 16-ന് രാഷ്ട്രപതി ദ്രൗപതി മുർമു ചോപ്രയ്ക്ക് ടെറിട്ടോറിയൽ ആർമിയിൽ ഓണററി കമ്മീഷൻ നൽകിയിരുന്നു.

പ്രധാന നേട്ടങ്ങൾ
 
2020 ടോക്കിയോ ഒളിമ്പിക്സിൽ ജാവലിൻ ത്രോയിലൂടെയാണ് ഇന്ത്യയ്ക്ക് വേണ്ടി ആദ്യ സ്വർണമെഡൽ ചോപ്ര നേടുന്നത്. 2024 പാരിസ് ഒളിമ്പിക്സിൽ വെള്ളിമെഡലും 2023 ലോക അത്‌ലറ്റിക്സ് ചാമ്പ്യൻഷിപ്പിൽ സ്വർണവും നേടി രാജ്യത്തിന്റെ അഭിമാനമായി മാറി. ഏഷ്യൻ ഗെയിംസ്, കോമൺവെൽത്ത് ഗെയിംസ്, ഡയമണ്ട് ലീഗ് തുടങ്ങിയവയിലും ഒന്നിലധികം സ്വർണമെഡലുകൾ ചോപ്ര സ്വന്തമാക്കിയിട്ടുണ്ട്. ഈ വർഷം 90.23 മീറ്റർ എന്ന വ്യക്തിഗത മികച്ച ത്രോ രേഖപ്പെടുത്തി ഇന്ത്യൻ കായികചരിത്രത്തിൽ ഇടംപിടിക്കുകയും ചെയ്തു.

പദ്മശ്രീ, മേജർ ധ്യാൻചന്ദ് ഖേൽ രത്ന, അർജുന അവാർഡ്, പരം വിശിഷ്ട സേവാ മെഡൽ, വിശിഷ്ട സേവാ മെഡൽ തുടങ്ങിയ നിരവധി ബഹുമതികളും താരം നേടിയിട്ടുണ്ട്.

Javelin throw Olympic gold and two-time medallist Neeraj Chopra has been conferred the honorary rank of Lieutenant Colonel in the Territorial Army. Defence Minister Rajnath Singh presented the insignia to Chopra at a ceremony in New Delhi.