ബെംഗളൂരു: ദീപാവലി ആഘോഷങ്ങളുടെ അവസാന ദിനമായ ഇന്ന് രാത്രിയോടെ പടക്കങ്ങളുമായി ബന്ധപ്പെട്ട് കണ്ണിന് പരുക്കേൽക്കുന്ന കേസുകളിൽ വൻ വർദ്ധനവ് ഉണ്ടാകാൻ സാധ്യതയുണ്ടെന്ന് ബെംഗളൂരുവിലെ ഡോക്ടർമാർ മുന്നറിയിപ്പ് നൽകി. കഴിഞ്ഞ മൂന്ന് ദിവസങ്ങളിൽ മാത്രം ബെംഗളൂരുവിലെ പ്രമുഖ നേത്ര ആശുപത്രികളിൽ 130-ലധികം കേസുകളാണ് പടക്കം പൊട്ടിക്കലുമായി ബന്ധപ്പെട്ട് റിപ്പോർട്ട് ചെയ്തിട്ടുള്ളത്. ​പടക്കം പൊട്ടിക്കുമ്പോൾ സമീപത്ത് നിന്ന് കുട്ടികൾക്ക് പരുക്കേറ്റ കേസുകളാണ് അധികവും എന്ന് ആരോഗ്യവകുപ്പ് അധികൃതർ വ്യക്തമാക്കി.

ALSO READ: ബെംഗളൂരുവിൽ താമസ സ്ഥലത്ത് യുവതി കൂട്ടബലാത്സംഗത്തിന് ഇരയായി; ക്വട്ടേഷൻ നൽകിയത് അയൽക്കാരിയായ അധ്യാപികയെന്ന് സംശയം 

സർക്കാർ ഉടമസ്ഥതയിലുള്ള ആശുപത്രിയിൽ കഴിഞ്ഞ മൂന്ന് ദിവസങ്ങളിൽ 30 കേസുകളാണ് രജിസ്റ്റർ ചെയ്തത്. ഒക്ടോബർ 21 (രാവിലെ 9 മണി) മുതൽ ഒക്ടോബർ 22 (രാവിലെ 9 മണി) വരെയുള്ള 24 മണിക്കൂറിനുള്ളിൽ മാത്രം 14 പുതിയ കേസുകളും റിപ്പോർട്ട് ചെയ്തു. ഇതിൽ 11 പേർ വിദ​ഗ്ദ   വിഭാ​ഗത്തിൽ ചികിത്സ തേടുകയും ചെയ്തു. പരുക്കേറ്റവരിൽ 10 പേർ മുതിർന്നവരും 4 പേർ കുട്ടികളുമാണ്.

പടക്കങ്ങൾ പൊട്ടിക്കുന്നതിനിടെയും സമീപത്ത് നിന്ന് കാണുന്നതിനിടെയുമുണ്ടാകുന്ന അപകടങ്ങളാണ് പരുക്കുകൾക്ക് പ്രധാന കാരണം. കുട്ടികൾക്ക് രക്ഷിതാക്കളുടെ മേൽനോട്ടമില്ലാതെ പടക്കങ്ങൾ ഉപയോഗിക്കുന്നതും, ഗുണനിലവാരം കുറഞ്ഞ പടക്കങ്ങൾ വാങ്ങുന്നതും അപകടസാധ്യത വർദ്ധിപ്പിക്കുന്നതായി വിദഗ്ധർ ചൂണ്ടിക്കാട്ടുന്നു.

ALSO READ: ഗുരുവായൂരിൽ വ്യാപാരിയുടെ ആത്മഹത്യ: ഭാര്യയുടെയും മക്കളുടെയും മുന്നിൽ വച്ച് ക്രൂര മർദനം; കൊള്ളപ്പലിശക്കാർക്കെതിരെ ഗുരുതര ആരോപണവുമായി കുടുംബം

സുരക്ഷാ നിർദ്ദേശങ്ങളുമായി നേത്രരോഗ വിദഗ്ധർ

"പടക്കങ്ങൾ ഉപയോഗിക്കുമ്പോൾ സുരക്ഷാ മുൻകരുതലുകൾ കർശനമായി പാലിക്കണം. കുട്ടികൾക്ക് മുതിർന്നവരുടെ മേൽനോട്ടം ഉറപ്പാക്കണം. ഗുണനിലവാരമുള്ള പടക്കങ്ങൾ മാത്രം വാങ്ങാൻ ശ്രദ്ധിക്കുക," ഡോക്ടർ ജനങ്ങൾക്ക് നിർദ്ദേശം നൽകി. കണ്ണിന് പരുക്കേറ്റാൽ ഒട്ടും വൈകാതെ വൈദ്യസഹായം തേടണമെന്നും, സ്വയം ചികിത്സിക്കാൻ ശ്രമിക്കരുതെന്നും ഡോക്ടർമാർ ഉപദേശിക്കുന്നു.

ALSO READ: സമൂസയെച്ചൊല്ലിയുണ്ടായ തർക്കം: 65-കാരനെ വെട്ടിക്കൊന്ന കേസിൽ സ്ത്രീക്ക് വേണ്ടി തിരച്ചിൽ

പടക്കങ്ങളുടെ അനിയന്ത്രിതമായ ഉപയോഗം തടയാൻ ബെംഗളൂരു പൊലിസും അഗ്നിശമനസേനയും കർശന നടപടികൾ സ്വീകരിച്ചിട്ടുണ്ട്. ഗ്രീൻ പടക്കങ്ങൾ മാത്രം ഉപയോഗിക്കണമെന്നും, രാത്രി 10 മണിക്ക് ശേഷം പടക്കങ്ങൾ പൊട്ടിക്കരുതെന്നും അധികൃതർ നിർദ്ദേശിച്ചിട്ടുണ്ട്. എങ്കിലും, നിയന്ത്രണങ്ങൾ ലംഘിക്കപ്പെടുന്നതായി റിപ്പോർട്ടുകളുണ്ട്. ദീപാവലി ആഘോഷങ്ങൾ സുരക്ഷിതമായി ആസ്വദിക്കാൻ ജനങ്ങൾ ജാഗ്രത പാലിക്കണമെന്ന് ആശുപത്രി അധികൃതരും പൊലിസും അഭ്യർത്ഥിച്ചു.

During Diwali celebrations in Bengaluru, over 130 cases of eye injuries from firecrackers have been reported in the past three days, with most victims being children. Doctors expect more cases on the final day, October 22, as festivities peak. Minto Ophthalmic Hospital alone recorded 30 cases, including 14 new cases between October 21 and 22, with 11 treated as outpatients and three requiring admission. Authorities urge caution and stricter adherence to safety guidelines.