മനാമ: രാജ്യത്ത് മാരക ഫ്‌ളു  വൈറസ് പടര്‍ന്നുപിടിക്കുന്നു. എല്ലാ പ്രായത്തിലുമുള്ള ആളുകളെയും പെട്ടെന്ന് രോഗം ബാധിച്ച് തൊണ്ടവേദന, മൂക്കൊലിപ്പ്, ഉയര്‍ന്ന താപനില എന്നിവയാല്‍ ബുദ്ധിമുട്ടിക്കുന്ന വിധത്തിലാണ് ഒരു മാരകമായ ഫ്‌ളു  വൈറസ് പടരുന്നത്. ഈ സാഹചര്യത്തില്‍ ഫ്‌ലൂ വൈറസിനെതിരെ ബഹ്‌റൈന്‍ ആരോഗ്യ മന്ത്രാലയം പൗരന്‍മാര്‍ക്കും താമസക്കാര്‍ക്കും മുന്നറിയിപ്പ് നല്‍കി. സീസണല്‍ ഫഌവിനെതിരെ മുന്‍കരുതല്‍ നടപടികള്‍ സ്വീകരിക്കാനും വാക്‌സിന്‍ എടുക്കാനും ആരോഗ്യ വകുപ്പ് ഉദ്യോഗസ്ഥര്‍ നിര്‍ദേശിച്ചു. എല്ലാ പ്രായത്തിലുമുള്ള ആളുകളെയും പെട്ടെന്ന് രോഗം ബാധിക്കുന്നുണ്ടെന്നും മുന്നറിയിപ്പില്‍ പറയുന്നു.

രോഗലക്ഷണങ്ങള്‍ കാണിച്ചു തുടങ്ങിയാല്‍ കുട്ടികള്‍ സ്‌കൂളിലും വീട്ടിലും നിന്ന് വിട്ടു നില്‍ക്കണമെന്നും മറ്റുള്ളവരെ ബാധിക്കാതിരിക്കാന്‍ മാസ്‌ക് ധരിക്കണമെന്നും ശരിയായ രോഗശാന്തിക്ക് മതിയായ വിശ്രമം ഉറപ്പാക്കണമെന്നും വിദ്യാഭ്യാസ വിദഗ്ധര്‍ മാതാപിതാക്കളോട് ആവശ്യപ്പെട്ടു.

മിക്ക കേസുകളും സ്‌കൂളുകളിലാണ് ആദ്യം റിപ്പോര്‍ട്ട് ചെയ്യുന്നത്. പിന്നീട് മുഴുവന്‍ കുടുംബങ്ങളും രോഗ ബാധിതരാകുകയും ചെയ്യുകയാണെന്ന് കിംഗ് അബ്ദുള്ള മെഡിക്കല്‍ സിറ്റിയിലെ യൂണിവേഴ്‌സിറ്റി മെഡിക്കല്‍ സെന്റര്‍ സീനിയര്‍ പീഡിയാട്രിക് കണ്‍സള്‍ട്ടന്റ് പ്രൊഫസര്‍ മുഹമ്മദ് അല്‍ ബെല്‍താഗി പറഞ്ഞു.

കഴിഞ്ഞ ആഴ്ചയില്‍ തന്റെ ക്ലിനിക്കിലെ 50 ശതമാനം രോഗികള്‍ക്കും ഇന്‍ഫ്‌ലുവന്‍സ സ്ഥിരീകരിച്ചിട്ടുണ്ടെന്നും അദ്ദേഹം പറഞ്ഞു. തുടര്‍ച്ചയായ ഉയര്‍ന്ന പനി, വേഗത്തിലുള്ളതോ ശ്വസിക്കാന്‍ ബുദ്ധിമുട്ടുള്ളതോ ആയ നെഞ്ചുവേദന, കഠിനമായ ചുമ, അലസത, കുടിക്കാന്‍ വിസമ്മതിക്കുക, നിര്‍ജ്ജലീകരണത്തിന്റെ ലക്ഷണങ്ങള്‍ കാണിക്കുക എന്നിവ ഉണ്ടെങ്കില്‍ ഉടന്‍ ചികിത്സ തേടണമെന്നും അദ്ദേഹം അഭ്യര്‍ത്ഥിച്ചു. നേരത്തെയുള്ള രോഗനിര്‍ണയം സങ്കീര്‍ണതകള്‍ തടയാന്‍ സഹായിക്കുമെന്നും അദ്ദേഹം ഓര്‍മപ്പെടുത്തി.

ALSO READ: 20 ശതമാനം വരെ വിമാന ടിക്കറ്റ് നിരക്കില്‍ ഇളവ്; ജസീറ എയര്‍വേയ്‌സ് ഓഫര്‍ ഇന്ന് കൂടി | Jazeera Airways Offer

Reports as of late October 2025 confirm a surge in a virulent flu strain in Bahrain, leading to increased infections across the country. In response, the Ministry of Health has launched its seasonal influenza vaccination campaign and is advising the public to take precautions