മസ്‌കത്ത്: മൂന്ന് ദിവസത്തെ സന്ദര്‍ശനത്തിനായി മുഖ്യമന്ത്രി പിണറായി വിജയന്‍ ഒമാനില്‍. ഇന്നലെ രാത്രിയോടെ തിരുവനന്തപുരത്ത് നിന്നു തിരിച്ച മുഖ്യമന്ത്രി ഇന്ന് പുലര്‍ച്ചെ മസ്‌കത്തില്‍ എത്തി. വിവിധ പ്രവാസി സംഘടനകളുടെയും ലോക കേരള സഭാംഗങ്ങളുടെയും നേതൃത്വത്തില്‍ മുഖ്യമന്ത്രിയെ സ്വീകരിച്ചു. നാളെയാണ് മുഖ്യമന്ത്രി പങ്കെടുക്കുന്ന ആദ്യ പൊതുപരിപാടി. വൈകുന്നേരം അമറാത്തിലെ പ്രത്യേകം തയ്യാറാക്കിയ വേദിയില്‍ സംഘടിപ്പിക്കുന്ന ഇന്ത്യന്‍ കമ്മ്യൂണിറ്റി ഫെസ്റ്റിവല്‍ പിണറായി വിജയന്‍ ഉദ്ഘാടനം ചെയ്യും. 26 വര്‍ഷങ്ങള്‍ക്ക് ശേഷമാണ് ഒരു കേരള മുഖ്യമന്ത്രി ഒമാന്‍ സന്ദര്‍ശിക്കുന്നത്.
ഒമാന് പിന്നാലെ ഖത്തര്‍, കുവൈത്ത്, യുഎഇ എന്നിവിടങ്ങളിലും വിവിധ ഘട്ടങ്ങളിലായി മുഖ്യമന്ത്രി സന്ദര്‍ശിക്കുന്നുണ്ട്. എന്നാല്‍ മുഖ്യമന്ത്രിയുടെ സൗദി അറേബ്യന്‍ സന്ദര്‍ശനത്തിന് കേന്ദ്രസര്‍ക്കാര്‍ ഇതുവരെ അനുമതി നല്‍കിയിട്ടില്ല.

പ്രധാന പരിപാടികള്‍
24ന് മസ്‌ക്കത്ത്: ഇന്ത്യന്‍ കമ്മ്യൂണിറ്റി ഫെസ്റ്റിവല്‍ (വിഷയം: മനുഷ്യത്വമുള്ളവരായിരിക്കൂ, സമാധാനം പുലരട്ടെ)
25ന് സലാല ഇത്തിഹാദ് സ്റ്റേഡിയം: പ്രവാസോത്സവം 2025, മലയാളം മിഷന്‍ സലാല ചാപ്റ്റര്‍ ഉദ്ഘാടനം.

മന്ത്രി സജി ചെറിയാന്‍, നോര്‍ക്ക ഡയറക്ടര്‍ വില്‍സണ്‍ ജോര്‍ജ്, വ്യവസായികളായ എം.എ യൂസഫലി, ഗര്‍ഫാര്‍ മുഹമ്മദലി തുടങ്ങിയവരും ഒമാനിലെ വിവിധ പരിപാടികളില്‍ പങ്കെടുക്കും.

അതേസമയം, മുഖ്യമന്ത്രി പിണറായി വിജയന്റെ സലാല സന്ദര്‍ശനം ബഹിഷ്‌ക്കരിക്കുമെന്ന് കെഎംസിസി സലാല കമ്മിറ്റി അറിയിച്ചു. 10 വര്‍ഷം പൂര്‍ത്തിയാക്കാന്‍ പോകുന്ന പിണറായി സര്‍ക്കാര്‍ പ്രവാസികള്‍ക്ക് മോഹന വാഗ്ദാനങ്ങള്‍ നല്‍കുന്നതല്ലാതെ ഒന്നും ചെയ്തിട്ടില്ലെന്ന് കേന്ദ്ര കമ്മിറ്റി പ്രസിഡന്റ് വി പി അബ്ദുസ്സലാം ഹാജി, ജനറല്‍ സെക്രട്ടറി റഷീദ് കല്‍പ്പറ്റ, ട്രഷറര്‍ ഹുസൈന്‍ കാച്ചിലോടി എന്നിവര്‍ പറഞ്ഞു.

ALSO READ: 20 ശതമാനം വരെ വിമാന ടിക്കറ്റ് നിരക്കില്‍ ഇളവ്; ജസീറ എയര്‍വേയ്‌സ് ഓഫര്‍ ഇന്ന് കൂടി | Jazeera Airways Offer

 Kerala Chief Minister Pinarayi Vijayan begins his Oman visit on Thursday as part of his wider Gulf tour, officials confirmed. In Muscat, Vijayan will inaugurate the Indian Community Festival (ICF) at Al Amerat Park on Friday at 6 p.m.