അഡലെയ്ഡ്: ഇന്ത്യ-ഓസ്ട്രേലിയ രണ്ടാം ഏകദിന മത്സരം അഡലെയ്ഡിലെ ഓവലിൽ ആരംഭിച്ചിരിക്കുകയാണ്. മത്സരത്തിൽ ടോസ് നേടിയ ഓസ്‌ട്രേലിയ ഇന്ത്യയെ ബാറ്റിങിനയച്ചു. മത്സരത്തിന്റെ തുടക്കത്തിൽ തന്നെ ഒരു വമ്പൻ റെക്കോർഡാണ് രോഹിത് സ്വന്തമാക്കിയത്.

ഓസ്ട്രേലിയയിൽ ഏകദിനത്തിൽ ആയിരം റൺസ് പൂർത്തിയാക്കുന്ന ആദ്യ ഇന്ത്യൻ താരം എന്ന നേട്ടത്തിലേക്കാണ് രോഹിത് നടന്നുകയറിയത്. മത്സരത്തിൽ രണ്ട് റൺസ് നേടിയപ്പോൾ തന്നെ രോഹിത് ഈ റെക്കോർഡ് കൈവരിച്ചു. ഓസ്ട്രേലിയൻ മണ്ണിൽ 21ാം ഏകദിന മത്സരത്തിലാണ് രോഹിത് ഈ ചരിത്രനേട്ടം സ്വന്തമാക്കിയത്. നാല് സെഞ്ച്വറിയും മൂന്ന് അർദ്ധ സെഞ്ച്വറികളും രോഹിത് ഓസ്‌ട്രേലിയായിൽ നേടിയിട്ടുണ്ട്. ഏകദിനത്തിൽ ഓസ്ട്രേലിയയിൽ ഏറ്റവും കൂടുതൽ റൺസ് നേടിയ ഇന്ത്യൻ താരങ്ങളുടെ പട്ടികയിൽ രണ്ടാം സ്ഥാനത്തുള്ള വിരാട് കോഹ്‌ലിയാണ്. 802 റൺസ് ആണ് താരം നേടിയിട്ടുള്ളത്. 

പരമ്പരയിലെ ആദ്യ മത്സരത്തിൽ ഏഴ് വിക്കറ്റുകൾക്ക് ഓസ്ട്രേലിയ ഇന്ത്യയെ പരാജയപ്പെടുത്തിയിരുന്നു. ഈ മത്സരം വിജയിച്ചാൽ ഓസ്ട്രേലിയക്ക് പരമ്പര വിജയം ഉറപ്പാൻ സാധിക്കും. എന്നാൽ ഇന്ത്യക്ക് പരമ്പര നേടണമെങ്കിൽ ഇനിയുള്ള രണ്ട് മത്സരങ്ങളും വിജയിക്കണം.

ഇന്ത്യ പ്ലെയിങ് ഇലവൻ 

രോഹിത് ശർമ, ശുഭ്‌മാൻ ഗിൽ (ക്യാപ്റ്റൻ), വിരാട് കോഹ്‌ലി, ശ്രേയസ് അയ്യർ, അക്സ‌ർ പട്ടേൽ, കെ എൽ രാഹുൽ (വിക്കറ്റ് കീപ്പർ), വാഷിംഗ്‌ടൺ സുന്ദർ, നിതീഷ് കുമാർ റെഡ്ഡി, ഹർഷിത് റാണ, അർഷ്ദീപ് സിംഗ്, മുഹമ്മദ് സിറാജ്. 

ഓസ്ട്രേലിയ പ്ലെയിങ് ഇലവൻ 

മിച്ചൽ മാർഷ് (ക്യാപ്റ്റൻ), ട്രാവിസ് ഹെഡ്, മാത്യു ഷോർട്ട്, മാറ്റ് റെൻഷാ, അലക്സ് കാരി (വിക്കറ്റ് കീപ്പർ),), കൂപ്പർ കോണോളി, മിച്ചൽ ഓവൻ, സേവ്യർ ബാർട്ട്‌ലെറ്റ്, മിച്ചൽ സ്റ്റാർക്ക്, ആദം സാംപ, ജോഷ് ഹേസൽവുഡ്. 

The second ODI between India and Australia has begun at the Oval in Adelaide. Rohit set a huge record early in the match. He became the first Indian to score 1,000 runs in ODIs in Australia.