തിരുവനന്തപുരം: കേന്ദ്ര വിദ്യാഭ്യാസ പിഎം ശ്രീയിൽ നിന്നും പിന്നോട്ടില്ലെന്ന് സിപിഎം സംസ്ഥാന സെക്രട്ടറി എം.വി ഗോവിന്ദൻ. പ്രശ്നങ്ങളെല്ലാം ചർച്ച ചെയ്തുകൊണ്ട് മുന്നോട്ട് പോവാനാണ് പാർട്ടിയുടെ തീരുമാനമെന്നും എം.വി ഗോവിന്ദൻ പറഞ്ഞു. 

8000 കോടി കേന്ദ്രം കേരളത്തിന് നൽകാനുണ്ടെന്നും അർഹതപ്പെട്ട പണം കേരളത്തിന് ലഭിക്കണമെന്നും എല്ലാത്തിനും നിബന്ധനകൾ വെക്കുന്ന കേന്ദ്രത്തിന്റെ നിലപാട് അംഗീകരിക്കാൻ സാധിക്കില്ലെന്നും എം.വി ഗോവിന്ദൻ വ്യക്തമാക്കി. പിഎം ശ്രീ പദ്ധതിയുമായി ബന്ധപ്പെട്ട നിലപാടിൽ മാറ്റമില്ലെന്നും പ്രശ്നങ്ങൾ എല്ലാം പരിഹരിക്കാവുന്നതാണെന്നും സംസ്ഥാന സെക്രട്ടറി വ്യക്തമാക്കി.