കൊച്ചി: ചെല്ലാനത്ത് നിന്ന് മത്സ്യബന്ധനത്തിനായി കടലിലേക്ക് പോയ അഞ്ച് തൊഴിലാളികളെ കാണാതായി. ഇന്ന് പുലർച്ചെ നാല് മണിക്ക് ഒറ്റ എഞ്ചിൻ ഘടിപ്പിച്ച 'ഇമ്മാനുവൽ' (വള്ളം നമ്പർ: KL03 4798) എന്ന വള്ളത്തിൽ പോയവരെയാണ് കാണാതായത്. രാവിലെ 9 മണിയോടെ തിരിച്ചെത്തേണ്ടതായിരുന്നു ഇവർ.

കാണാതായവരെല്ലാം ചെല്ലാനം കണ്ടക്കടവ് സ്വദേശികളാണ്. സെബിൻ, പാഞ്ചി, കുഞ്ഞുമോൻ, പ്രിൻസ്, ആന്റപ്പൻ എന്നിവരെയാണ് കാണാതായത്.

ALSO READ: രാഷ്ട്രപതിയുടെ സന്ദർശനം: ഗതാഗത നിയമം ലംഘിച്ച് പൊലിസിനെ വെട്ടിച്ച് കടന്നുപോയ മൂവർ സംഘം അറസ്റ്റിൽ

ഇവരെ കണ്ടെത്താനായി കോസ്റ്റ് ഗാർഡും നേവിയും (നാവികസേന) സംയുക്തമായി തിരച്ചിൽ ആരംഭിച്ചു. സംഭവത്തിൽ ബന്ധപ്പെട്ട അധികൃതർക്ക് വിവരങ്ങൾ കൈമാറിയിട്ടുണ്ട്. പ്രദേശവാസികളായ മത്സ്യത്തൊഴിലാളികളും തിരച്ചിലിന് സഹായം നൽകുന്നുണ്ട്. ഇവരെക്കുറിച്ച് എന്തെങ്കിലും വിവരം ലഭിക്കുന്നവർ അറിയിക്കണമെന്ന് അധികൃതർ അഭ്യർത്ഥിച്ചു.

ALSO READ: ദീപാവലിക്ക് സമ്മാനം നൽകിയില്ല: ചോദ്യം ചെയ്ത തൊഴിലാളിയെ കടയുടമയും സുഹൃത്തുക്കളും ചേർന്ന് കുത്തിക്കൊന്നു; ആറ് പേർ അറസ്റ്റിൽ

Five fishermen who ventured into the sea from Chellanam, Kochi, in the early morning are reported missing. The men, who left around 4 am on the boat 'Immanuel' (KL03 4798), were due back by 9 am. The Indian Coast Guard and Navy have launched a joint search and rescue operation to locate the missing fishermen, who are all residents of Kandakadavu, Chellanam.