നന്തിബസാര്‍: വൈകല്യങ്ങളാല്‍ പ്രയാസമനുഭവിക്കുന്ന മക്കള്‍ക്ക് പുറക്കാട് ശാന്തിസദനം സ്‌കൂള്‍ ഫോര്‍ ഡിഫറന്റ്‌ലി ഏബിള്‍ഡ് എന്ന സ്ഥാപനം നടത്തിവരുന്ന പ്രവര്‍ത്തനങ്ങള്‍ പ്രശംസനീയമാണെന്ന് നടന്‍ മാമുക്കോയ അഭിപ്രായപ്പെട്ടു. സ്‌നേഹസ്പര്‍ശം ദുബൈ കൂട്ടായ്മ ശാന്തിസദനം സ്‌കൂളില്‍ നടത്തിയ ഓണം, ബക്രീദ് സാംസ്‌കാരികോത്സവം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വാര്‍ഡ് മെമ്പര്‍ സി. ഹനീഫ മാസ്റ്റര്‍ അധ്യക്ഷനായി. എം.എം മുഹ് യുദ്ദീന്‍, പി. ബാലഗോപാലന്‍, പി. ജിനേഷ്, വി.എ ബാലകൃഷ്ണന്‍, എം.ടി അഷ്‌റഫ്, യു.വി സുരേഷ്, വി.പി ബിജു, അബ്ദുസ്സലാം ഹാജി, അബ്ദുല്‍ മജീദ് തണല്‍, മായ ടീച്ചര്‍, വി.പി റാഷിദ്, സി.എം ജ്യോതിഷ് പ്രസംഗിച്ചു.