തൊട്ടില്‍പ്പാലം: അന്തരീക്ഷ മലിനീകരണം കുറയ്ക്കുന്നതിനായി ആരംഭിച്ച സംസ്ഥാനത്തെ ആദ്യ ജൈവ ഡീസല്‍ പമ്പിന്റെ പ്രവര്‍ത്തനം ഇന്നു തൊട്ടില്‍പ്പാലം കെ.എസ്.ആര്‍.ടി.സി ഡിപ്പോയില്‍ ആരംഭിക്കും.12ന് ഗതാഗത മന്ത്രി എ.കെ ശശീന്ദ്രന്‍ പമ്പ് ഉദ്ഘാടനം ചെയ്യും. ചടങ്ങില്‍ ഇ.കെ വിജയന്‍ എം.എല്‍.എ അധ്യക്ഷനാകും.
ഐ.ഒ.സിയാണ് ജൈവ ഡീസല്‍ വികസിപ്പിച്ചെടുത്തത്. അതേസമയം, ഡിപ്പോയില്‍ ഡീസല്‍ വിതരണത്തിനായുള്ള ഒരുക്കങ്ങള്‍ മാസങ്ങള്‍ക്കു മുന്‍പ് പൂര്‍ത്തിയാക്കിയിരുന്നു. എന്നാല്‍ ജൈവ ഡീസലിന്റെ സാധ്യത മുന്നില്‍കണ്ടണ്ട് ഉദ്ഘാടനം നീട്ടിവയ്ക്കുകയായിരുന്നു.