ദോഹ: മലേഷ്യയില്‍ നടക്കുന്ന ദക്ഷിണേഷ്യന്‍ രാജ്യങ്ങളുടെ കൂട്ടായ്മയായ ആസിയാന്‍ ഉച്ചകോടിയിലേക്കുള്ള യാത്രാമധ്യേ ഖത്തറില്‍ യുഎസ് പ്രസിഡന്റ് ഡൊണാള്‍ഡ് ട്രംപിന്റെ സര്‍പ്രൈസ് വിസിറ്റ്. ദോഹയിലെ അല്‍ ഉദൈദ് വ്യോമതാവളത്തില്‍ പ്രാദേശിക സമയം ഇന്നലെ വൈകീട്ടോടെയാണ് ട്രംപിന്റെ പെട്ടെന്നുള്ള സന്ദര്‍ശനം ഉണ്ടായത്. ദോഹയിലിറങ്ങിയ ട്രംപ് യുഎസിന്റെ ഔദ്യോഗിക എയര്‍ഫോഴ്‌സ് വണ്ണില്‍ ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ ഥാനിയുമായി കൂടിക്കാഴ്ച നടത്തി. ഖത്തര്‍ പ്രധാനമന്ത്രിയും വിദേശകാര്യമന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുര്‍റഹ്മാന്‍ ബിന്‍ ജാസിം അല്‍ഥാനിയും ഇരുവര്‍ക്കും ഒപ്പം ഉണ്ടായിരുന്നു.

കൂടിക്കാഴ്ചയ്ക്കിടെ ഖത്തര്‍ അമീറിനെ ട്രംപ് പ്രശംസ കൊണ്ട് മൂടുകയും ചെയ്തു. പശ്ചിമേഷ്യയില്‍ സമാധാനം കൊണ്ടുവന്നത് ഖത്തര്‍ അമീറാണെന്നും പശ്ചിമേഷ്യയില്‍ മാത്രമല്ല, ലോകത്തെ ഏറ്റവും മികച്ച ഭരണാധികാരികളില്‍ ഒരാളാണ് അമീര്‍ അല്‍ഥാനിയെന്നും ട്രംപ് വിശേഷിപ്പിച്ചു.

'അദ്ദേഹം തന്റെ രാജ്യത്തിന് പ്രിയപ്പെട്ടവനും ബഹുമാനിക്കപ്പെടുന്നവനുമാണ്. എന്താണ് കൂടുതല്‍ പ്രധാനമെന്ന് എനിക്കറിയില്ല, സ്‌നേഹിക്കപ്പെടുകയോ ബഹുമാനിക്കപ്പെടുകയോ ചെയ്യുക? നിങ്ങള്‍ക്ക് മുന്‍ഗണനയുണ്ടോ? നിങ്ങള്‍ക്ക് രണ്ടും ഉള്ളതിനാല്‍, നിങ്ങള്‍ ചുരുക്കം ചിലരില്‍ ഒരാളാണ്- അമീറിന്റെ കൈപിടിച്ച് ട്രംപ് പറഞ്ഞു. പിന്നീട് ഖത്തര്‍ പ്രധാനമന്ത്രി മുഹമ്മദ് ബിന്‍ അബ്ദുര്‍റഹ്മാന് നേരെ തിരിഞ്ഞ ട്രംപ്, ഇദ്ദേഹം എന്റെ സുഹൃത്തും ലോകത്തിന്റെ സുഹൃത്തും ആണെന്നും പറഞ്ഞു.
ഞങ്ങള്‍ നന്ദി അറിയിക്കുന്നു. നിങ്ങള്‍ക്ക് ഇപ്പോള്‍ സുരക്ഷിതമായ ഒരു മിഡ് ഈസ്റ്റ് ഉണ്ട്. നിങ്ങള്‍ അത് വളരെക്കാലം അങ്ങനെ തന്നെ നിലനിര്‍ത്താന്‍ പോകുന്നു- ട്രംപ് കൂട്ടിച്ചേര്‍ത്തു.

ട്രംപ് ദോഹയില്‍ ഇറങ്ങുന്ന വിവരം നേരത്തെ ഖത്തര്‍ ഭരണാധികാരികളെ വൈറ്റ്ഹൗസ് അറിയിച്ചിരുന്നു. ഗള്‍ഫിലെ യു.എസിന്റെ ഏറ്റവും സുപ്രധാന കേന്ദ്രമാണ് അല്‍ ഉദൈദ് എയര്‍ബേയ്‌സ്.

ജനുവരിയില്‍ അധികാരമേറ്റതിനുശേഷം ട്രംപ് ആദ്യമായാണ് ഗള്‍ഫിനു പുറത്തുള്ള ഏഷ്യന്‍ രാജ്യങ്ങളിലേക്ക് യാത്ര ചെയ്യുന്നത്. ഉച്ചകോടിക്ക് പുറമെ ചൈനീസ് പ്രസിഡന്റ് ഷി ജിന്‍പിങ്ങും മറ്റ് നേതാക്കളുമായുള്ള കൂടിക്കാഴ്ചകളും അജണ്ടയിലുണ്ട്.

ALSO READ: വിഭജനത്തോടെ മുസ്‌ലിംകളെല്ലാം പോയതോടെ ക്രിസ്ത്യൻ സ്‌കൂളായി മാറി, ഒടുവിൽ അമൃത്സറിലെ മസ്ജിദ് സിഖുകാരും ഹിന്ദുക്കളും മുസ്‌ലിംകൾക്ക് കൈമാറി; ഏഴുപതിറ്റാണ്ടിന് ശേഷം ബാങ്ക് വിളി ഉയർന്നു

United States President Donald Trump has thanked Qatar for its efforts in securing a ceasefire deal in Gaza as Israeli forces continued attacks on the Palestinian territory, killing at least one person and wounding four others. Trump made the comments on Saturday as he welcomed Qatari Emir Tamim bin Hamad Al Thani and Prime Minister Sheikh Mohammed bin Abdulrahman bin Jassim Al Thani on board Air Force One on Saturday, as the US president’s plane stopped to refuel in the Gulf country on its way to a summit in Malaysia.