ദിവസവും വൈകുന്നേരം ചായക്കൊപ്പം കഴിക്കുന്ന സമൂസയുടെ യഥാർത്ഥ വില എത്രയാണെന്ന് ചിന്തിച്ചിട്ടുണ്ടോ? ഒരുപക്ഷേ മൂന്ന് ലക്ഷം രൂപ! ഡൽഹി ആസ്ഥാനമായുള്ള പ്രമുഖ കാർഡിയോളജിസ്റ്റ് ഡോ. ശൈലേഷ് സിംഗിന്റെ കുറിപ്പാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. അനാരോഗ്യകരമായ ലഘുഭക്ഷണങ്ങളുടെ മറഞ്ഞിരിക്കുന്ന ആരോഗ്യപരമായ ചെലവുകളാണ് അദ്ദേഹം തുറന്നു കാണിക്കുന്നത്.

ദിവസവും ഒരു സമൂസ കഴിക്കുന്നത് 15 വർഷം തുടർന്നാൽ ഏകദേശം ₹90,000 രൂപയാണ് ചെലവ് വരുന്നത്. എന്നാൽ, ഇത് ഹൃദയാരോഗ്യത്തെ ദോഷകരമായി ബാധിക്കുകയും, ഒടുവിൽ ₹3 ലക്ഷം രൂപയുടെ ആൻജിയോപ്ലാസ്റ്റിയിലേക്ക് നയിക്കുകയും ചെയ്യുമെന്നാണ് ഡോക്ടർ മുന്നറിയിപ്പ് നൽകുന്നത്.

 

 

ആരോഗ്യ ലക്ഷ്യങ്ങൾ മാറ്റിവെക്കരുത്"

"ഈ പ്രോജക്റ്റ് കഴിഞ്ഞിട്ട്", "വിരമിച്ച ശേഷം" എന്നിങ്ങനെ ആരോഗ്യ കാര്യങ്ങൾക്കായി സമയം കണ്ടെത്തുന്നത് വൈകിപ്പിക്കുന്നവരുടെ അനന്തമായ ഒഴിവുകഴിവുകളെയും ഡോ. ശൈലേഷ് സിംഗ് തന്റെ പോസ്റ്റിൽ ചോദ്യം ചെയ്യുന്നുണ്ട്. നമ്മുടെ കലണ്ടറുകൾ ഒഴിയുന്നതുവരെ ശരീരം കാത്തിരിക്കില്ലെന്ന് അദ്ദേഹം ഓർമ്മിപ്പിക്കുന്നു. ആരോഗ്യവാനായിരിക്കാൻ നമ്മൾ പദ്ധതിയിടുമ്പോൾ ജീവിതം അതിന്റെ ഓട്ടം നിർത്തില്ല എന്ന ലളിതവും എന്നാൽ ശക്തവുമായ സന്ദേശമാണ് അദ്ദേഹം നൽകുന്നത്.

നിങ്ങളുടെ ബുദ്ധിമുട്ട് നിങ്ങൾ തിരഞ്ഞെടുക്കുക

തുടക്കത്തിൽ ആരോഗ്യകരമായ ശീലങ്ങൾ ബുദ്ധിമുട്ടായി തോന്നാമെങ്കിലും, സ്ഥിരമായി ചെയ്താൽ അത് ദൈനംദിന ആവശ്യങ്ങളായി മാറുമെന്ന് ഡോക്ടർ വിശദീകരിക്കുന്നത്. ഉദാഹരണത്തിന്, ആദ്യ ആഴ്ചകൾ നടക്കുന്നത് കഠിനമായി തോന്നിയേക്കാം, എന്നാൽ 52-ാമത്തെ ആഴ്ചയിൽ അത് ഒഴിവാക്കുന്നത് തെറ്റായി തോന്നും.

"നിങ്ങൾ ഒഴിവാക്കുന്ന അസ്വസ്ഥത ഏഴ് ദിവസം മാത്രമേ നീണ്ടുനിൽക്കൂ," ഡോക്ടർ ഓർമ്മിപ്പിച്ചു. "എന്നാൽ പശ്ചാത്താപം എന്നെന്നേക്കുമായി നിലനിൽക്കും. നിങ്ങളുടെ വെല്ലുവിളികൾ വിവേകത്തോടെ തിരഞ്ഞെടുക്കുക." ഡോക്ടറുടെ ഈ വാക്കുകൾ ഓരോരുത്തർക്കും ഒരു ഓർമ്മപ്പെടുത്തലാണ്

a viral post by a delhi-based cardiologist warns that a daily samosa habit (costing about ₹20) over 15 years can lead to a ₹3 lakh expense for an angioplasty, stressing that people should not delay their health goals.