ഫറോക്ക്: കടലുണ്ടി റോഡില്‍ ഗവ. ഗണപത് ഹൈസ്‌കൂളിനു സമീപം പ്രവര്‍ത്തിക്കുന്ന ഹോട്ടലിന് ബാര്‍ തുടങ്ങാന്‍ അനുമതി നല്‍കരുതെന്ന് ആവശ്യപ്പെട്ട് മുനിസിപ്പല്‍ മുസ്‌ലിം യൂത്ത്‌ലീഗ് കമ്മിറ്റി ഫറോക്ക് നഗരസഭാ ചെയര്‍പേഴ്‌സന്‍ ടി. സുഹറാബിക്കു നിവേദനം നല്‍കി. ബാര്‍ തുറക്കുന്നതിന് അനുകൂലമായ നിലപാടുമായി നഗരസഭ മുന്നോട്ടുപോയാല്‍ ശക്തമായ പ്രക്ഷോഭം സംഘടിപ്പിക്കുമന്നും യൂത്ത്‌ലീഗ് കമ്മറ്റി മുന്നറിയിപ്പുനല്‍കി.
പ്രസിഡന്റ് ഷംസീര്‍ പാണ്ടികശാല, ജനറല്‍ സെക്രട്ടറി റഊഫ് പുറ്റെക്കാട്, ട്രഷറര്‍ പി.കെ അബ്ദുല്‍ സലാം, കെ.ടി മുഹമ്മദ് ഷരീഫ്, സലാം കുടുക്കന്‍, സഹീര്‍ കള്ളിത്തൊടി, ഇബ്രാഹിം കഷായപ്പടി സംബന്ധിച്ചു.