ജനനേന്ദ്രിയം മുറിച്ചു, കണ്ണിന്റെ കാഴ്ച നഷ്ടപ്പെടുത്തി; കൊടുങ്ങല്ലൂരില് യുവാവിന് അതിക്രൂരമര്ദ്ദനം, സംഭവം ദിവസങ്ങള്ക്കു മുമ്പ്
തൃശൂര്: കൊടുങ്ങല്ലൂരില് യുവാവ് അതിക്രൂര മര്ദനത്തിനിരയായ നിലയില്. ആലപ്പുഴ തുറവൂര് സ്വദേശി സുദര്ശനനാണ് ക്രൂരതക്കിരയായത്. ജനനേന്ദ്രിയം മുറിക്കുകയും ഒരു കണ്ണിന്റെ കാഴ്ച നഷ്ടപ്പെടുത്തുകയും ചെയ്ത നിലയിലാണ് ഇയാളെ കണ്ടെത്തുന്നത്.
ദിവസങ്ങള്ക്ക് മുമ്പാണ് സംഭവമുണ്ടായത്. നഗ്നനാക്കി റോഡില് ഉപേക്ഷിക്കപ്പെട്ട നിലയില് ഇയാളെ കണ്ടെത്തുകയായിരുന്നു. തുടര്ന്ന് ഇയാളെ തൃശൂര് മെഡിക്കല് കോളജില് പ്രവേശിപ്പിച്ചു. പൊലിസ് നടത്തിയ അന്വേഷണത്തിലാണ് ആലപ്പുഴ സ്വദേശിയാണ് ഇയാളെന്ന് തിരിച്ചറിഞ്ഞത്. തുടര്ന്ന് ബന്ധുക്കളെ വിവരമറിയിക്കുകയും ചെയ്തു.
ചേര്ത്തലയിലെ എസ്.ഡി.പി.ഐ പ്രവര്ത്തകന് മുനീര് വധക്കേസടക്കം ഒമ്പത് കേസുകളില് പ്രതിയാണ് ഇയാളെന്ന് പൊലിസ് പറഞ്ഞു. ഇദ്ദേഹത്തിന്റെ ആരോഗ്യനില തൃപ്തികരമല്ലെന്നാണ് വിവരം. ശരീരത്തിലാകമാനം കത്തികൊണ്ട് മുറിവേല്പ്പിച്ചിട്ടുണ്ട്. ജനനേന്ദ്രിയത്തില് അണുബാധയുമുണ്ട്.
അക്രമത്തിന് പിന്നിലാരാണെന്ന് ഇതുവരെ സൂചനയൊന്നും ലഭിച്ചിട്ടില്ല. ആലപ്പുഴ സ്വദേശികളായ ചിലരെ സംശയമുണ്ടെന്ന് സുദര്ശന്റെ സഹോദരന് പറഞ്ഞു.
a shocking incident from kodungallur where a young man was brutally beaten, his genitals severed, and eyesight lost. the brutal assault reportedly happened a few days ago, and police have launched an investigation into the case.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."