ദുബൈ: 2026-ലെ വാർഷിക ഫെഡറൽ ബജറ്റിന് യുഎഇ മന്ത്രിസഭ അംഗീകാരം നൽകി. ഫെഡറേഷൻ സ്ഥാപിതമായതിനു ശേഷമുള്ള ഏറ്റവും ഉയർന്ന ബജറ്റാണിത്. ഏകദേശം 92.4 ബില്യൺ ദിർഹം വരുമാനം പ്രതീക്ഷിക്കുന്ന ഈ ബജറ്റിൽ, സന്തുലിതമായ ചെലവുകളും ഉൾപ്പെടുത്തിയിട്ടുണ്ട്.

യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആണ് ബജറ്റിന് അംഗീകാരം നൽകുന്നതായി പ്രഖ്യാപിച്ചത്.

ALSO READ: സർ അബു നുഅയ്ർ ദ്വീപിലേക്ക് പുതിയ കപ്പൽ സർവിസ് ആരംഭിച്ച് ഷാർജ; 80 പേർക്ക് യാത്ര ചെയ്യാൻ സാധിക്കും

രാജ്യത്തിന്റെ സാമ്പത്തിക വളർച്ചയുടെയും ആഗോളതലത്തിലെ മുന്നേറ്റത്തിന്റെയും സൂചനയാണ് ബജറ്റ് എന്ന് ഷെയ്ഖ് മുഹമ്മദ് ബിൻ റാഷിദ് അൽ മക്തൂം അഭിപ്രായപ്പെട്ടു.

"ഞങ്ങളുടെ ബജറ്റുകൾ സന്തുലിതമാണ്, ഞങ്ങളുടെ നിക്ഷേപങ്ങൾ വർദ്ധിച്ചുകൊണ്ടിരിക്കുകയാണ്, ഞങ്ങളുടെ വിദേശ വ്യാപാരം ത്വരിതഗതിയിലാകുന്നു, ഞങ്ങളുടെ സമ്പദ്‌വ്യവസ്ഥ വളരുകയാണ്," അദ്ദേഹം പറഞ്ഞു. 

"അറബ് ലോകത്ത് ഒന്നാമതും നേരിട്ടുള്ള വിദേശ നിക്ഷേപം കയറ്റുമതി ചെയ്യുന്ന മികച്ച 20 ആഗോള സമ്പദ്‌വ്യവസ്ഥകളിൽ ഒന്നുമാണ് യുഎഇ." അദ്ദേഹം കൂട്ടിച്ചേർത്തു. 

ALSO READ: പ്രസവസമയത്ത് ഡോക്ടർമാർക്ക് സംഭവിച്ച വീഴ്ചയിൽ കുഞ്ഞിന്റെ തലച്ചോറിന് ക്ഷതം; ആശുപത്രിയും ഡോക്ടർമാരും ചേർന്ന് 700,000 ദിർഹം നഷ്ടപരിഹാരം നൽകണമെന്ന് കോടതി 

പ്രധാന സാമ്പത്തിക നേട്ടങ്ങൾ:

• വിദേശ നിക്ഷേപം: 2024-ൽ യുഎഇയുടെ വിദേശ നിക്ഷേപം ഒരു ട്രില്യൺ അമ്പത് ദശലക്ഷം ദിർഹമിൽ എത്തിയിരുന്നു. വിദേശ നിക്ഷേപത്തിൽ മുൻ വർഷത്തെ അപേക്ഷിച്ച് 9 ശതമാനം വളർച്ചയാണ് രേഖപ്പെടുത്തിയത്.
• കയറ്റുമതിയിലെ കുതിപ്പ്: 2019 മുതൽ 2024 വരെയുള്ള അഞ്ച് വർഷത്തിനിടയിൽ, യുഎഇയുടെ കയറ്റുമതി വികസന നയം ഫലപ്രദമായി നടപ്പാക്കിയതിലൂടെ കയറ്റുമതിയിൽ 103 ശതമാനം വർദ്ധനവ് ഉണ്ടായി. ഏകദേശം 470 ബില്യൺ ദിർഹത്തിൽ നിന്ന് ഇത് 950 ബില്യൺ ദിർഹമായി ഉയർന്നു. മന്ത്രിസഭാ യോഗത്തിൽ, സാമ്പത്തിക, സഹകരണ മേഖലകളിലായി 35 അന്താരാഷ്ട്ര കരാറുകളും മെമ്മോറാണ്ടങ്ങളും അംഗീകരിക്കുകയും ചെയ്തു. 

heikh mohammed bin rashid announced uae's record aed 92.4 billion 2026 budget, boosting investments, exports, and sustainable development under strong economic vision.