താമരശ്ശേരി: വാഹനപരിശോധനക്കിടെ ട്രാഫിക് എസ്.ഐയോട് അപമര്യാദയായി പെരുമാറിയ ഡി.വൈ.എഫ്.ഐ പ്രവര്‍ത്തകനെതിരേ പൊലിസ് കേസെടുത്തു. കൊടുവള്ളി കളരാന്തിരി മേലേചെമ്പായി മുഹമ്മദ് സാലിഹ് (22) ആണ് ട്രാഫിക് എസ്.ഐ മജീദിനോടു തട്ടിക്കയറിയത്.
ബുധനാഴ്ച വൈകിട്ട് അഞ്ചരയോടെയായിരുന്നു സംഭവം. താമരശ്ശേരി കാരാടി പുതിയ ബസ് സ്റ്റാന്‍ഡ് പരിസരത്തു വച്ചു വാഹനപരിശോധനയ്ക്കിടെ ഹെല്‍മെറ്റില്ലാതെ ബൈക്കിലെത്തിയ യുവാവിനോടു വാഹനത്തിന്റെ രേഖകള്‍ ആവശ്യപ്പെട്ടപ്പോള്‍ എസ്.ഐയോട് അപമര്യാദയായി പെരുമാറുകയും തട്ടിക്കയറുകയുമായിരുന്നു.
കൃത്യനിര്‍വഹണം തടസപ്പെടുത്തിയതിന് പൊലിസ് കേസെടുത്ത് കോടതിയില്‍ ഹാജരാക്കി.