ഇന്ത്യ-ഓസ്ട്രേലിയ ടി-20 പരമ്പരക്ക് നാളെയാണ് തുടക്കമാവുന്നത്. അഞ്ചു ടി-20 മത്സരങ്ങളാണ് ഇന്ത്യ ഓസ്‌ട്രേലിയക്കെതിരെ കളിക്കുക. ആദ്യ മത്സരത്തിന് മുന്നോടിയായി ഇന്ത്യൻ നിരയിൽ വെല്ലുവിളി സൃഷ്ടിക്കാൻ സാധ്യതയുള്ള താരത്തെക്കുറിച്ച് സംസാരിച്ചിരിക്കുകയാണ് ഓസ്‌ട്രേലിയൻ ക്യാപ്റ്റൻ മിച്ചൽ മാർഷ്. ഇന്ത്യൻ ഓപ്പണർ അഭിഷേക് ശർമ്മ ഓസ്‌ട്രേലിയക്ക് വലിയ വെല്ലുവിളി ഉണ്ടാക്കുമെന്നാണ് മിച്ചൽ മാർഷ് പറഞ്ഞത്. മത്സരത്തിന് മുന്നോടിയായുള്ള പത്രസമ്മേളനത്തിൽ സംസാരിക്കുകയായിരുന്നു ഓസീസ് ക്യാപ്റ്റൻ. 

''തീർച്ചയായും അഭിഷേക് കഴിവുള്ള താരമാണ്. കഴിഞ്ഞ കുറച്ചു കാലമായി അവൻ സൺറൈസേഴ്‌സ് ഹൈദരാബാദിനും ഇന്ത്യക്കും വേണ്ടി മികച്ച പ്രകടനം നടത്തിയിട്ടുണ്ട്. അവൻ ഞങ്ങൾക്ക് ഒരു വെല്ലുവിളിയാകും. എന്നാൽ ലോകത്തിലെ മികച്ച താരങ്ങൾക്കെതിരെ സ്വയം പരീക്ഷിക്കാൻ ആഗ്രഹിക്കുന്നുണ്ട്. അവൻ അത്തരത്തിലൊരു താരമാണ്'' മിച്ചൽ മാർഷ് പറഞ്ഞു. 

2025 ഏഷ്യ കപ്പിൽ ഇന്ത്യക്കായി മിന്നും പ്രകടനമായിരുന്നു അഭിഷേക് ശർമ്മ നടത്തിയത്. ഏഴ് മത്സരങ്ങളിൽ നിന്നും 314 റൺസ് ആണ് അഭിഷേക് ശർമ തന്റെ ബാറ്റിൽ നിന്നും അടിച്ചെടുത്തത്. മൂന്ന് ഫിഫ്റ്റിയും താരം സ്വന്തമാക്കിയിട്ടുണ്ട്.  ടൂർണമെന്റിൽ 300 റൺസ് നേടിയതോടെ ടി-20 ഫോർമാറ്റിൽ നടക്കുന്ന ഏഷ്യ കപ്പിൽ ഒരു എഡിഷനിൽ ഏറ്റവും കൂടുതൽ റൺസ് നേടുന്ന താരമായും അഭിഷേക് ശർമ്മ മാറിയിരുന്നു. ഇതാദ്യമായാണ് ടി-20 ഫോർമാറ്റിൽ നടക്കുന്ന ഏഷ്യ കപ്പിന്റെ ഒരു താരം 300+ സ്കോർ കടത്തുന്നത്. താരത്തിന്റെ ഈ മിന്നും പ്രകടനം ഓസ്‌ട്രേലിയക്കെതിരെയും ആവർത്തിക്കുമെന്നാണ് ആരാധകർ ഉറച്ചുവിശ്വസിക്കുന്നത്.

അതേസമയം ഏകദിന പരമ്പര സ്വന്തമാക്കിയ ആത്മവിശ്വാസവുമായിട്ടായിരിക്കും ഓസ്ട്രേലിയ സ്വന്തം മണ്ണിൽ ഇന്ത്യക്കെതിരെ കളിക്കാനിറങ്ങുന്നത്. എന്നാൽ ഏകദിനത്തിലേറ്റ തിരിച്ചടികളിൽ നിന്നും തിരിച്ചുവരാനായിരിക്കും ഇന്ത്യ ടി-20 പരമ്പരയിലൂടെ ലക്ഷ്യം വെക്കുക.

ഇന്ത്യ ടി-20 സ്‌ക്വാഡ്

സൂര്യകുമാർ യാദവ് ((ക്യാപ്റ്റൻ), അഭിഷേക് ശർമ, ശുഭ്‌മാൻ ഗിൽ (വൈസ് (ക്യാപ്റ്റൻ), തിലക് വർമ്മ, നിതീഷ് കുമാർ റെഡ്ഡി, ശിവം ദുബെ, അക്‌സർ പട്ടേൽ, ജിതേഷ് ശർമ (വിക്കറ്റ് കീപ്പർ), വരുൺ ചക്രവർത്തി, ജസ്പ്രീത് ബുംറ, അർഷ്ദീപ് സിംഗ്, കുൽദീപ് യാദവ്, ഹർഷിത് റാണ, സഞ്ജു സാംസൺ(വിക്കറ്റ് കീപ്പർ), റിം​ഗു സിം​ഗ്, വാഷിം​ഗ്ടൺ സുന്ദർ.

The India-Australia T20 series begins tomorrow. India will play five T20 matches against Australia. Ahead of the first match, Australian captain Mitchell Starc has spoken about the player who is likely to create a challenge for the Indian team. Mitchell Marsh said that Indian opener Abhishek Sharma will pose a big challenge for Australia.