ദുബൈ: സുഗന്ധദ്രവ്യങ്ങളുടെ ലോകത്ത് അപ്രതീക്ഷിത മനംമാറ്റവുമായി യുഎഇ. പരമ്പരാഗതമായ ഊദിൽ നിന്നും പുഷ്പഗന്ധങ്ങളിൽ നിന്നും മാറി, ഡെസേർട്ട്-പ്രചോദിത സുഗന്ധങ്ങളാണ് ഇപ്പോൾ രാജ്യത്ത് ട്രെൻഡ്. ചോക്ലേറ്റ് ഗണാഷെ, കോട്ടൺ കാൻഡി, സ്ട്രോബെറി ചീസ് കേക്ക് തുടങ്ങിയ മധുരപലഹാരങ്ങളുടെ മണമുള്ള പെർഫ്യൂമുകൾ വിപണി കീഴടക്കുകയാണ്.

സൗന്ദര്യവർദ്ധക രംഗത്തെ മുൻനിര മേളയായ 'ബ്യൂട്ടിവേൾഡ് മിഡിൽ ഈസ്റ്റ് 2025'-ലാണ് ഈ പ്രതിഭാസം വ്യക്തമായത്. നിരവധി കമ്പനികൾ 'ഭക്ഷ്യവസ്തുക്കളുടെ മണമുള്ള സുഗന്ധദ്രവ്യങ്ങൾ' (Gourmand fragrances) അവതരിപ്പിച്ചതോടെ ഇത് ഒരു താൽക്കാലിക ട്രെൻഡ് എന്നതിൽ നിന്ന് ഒരു വലിയ പ്രസ്ഥാനമായി മാറിയിരിക്കുകയാണ്.

ALSO READ: ശമ്പളം തീരുന്ന വഴി അറിയുന്നില്ലേ? ദുബൈയിലെ ജീവിതച്ചെലവ് കുറയ്ക്കാൻ ഈ 14 വിദ്യകൾ പരീക്ഷിച്ചു നോക്കൂ 

പുതിയ ബ്രാൻഡുകൾ രംഗത്ത്

മൈ പെർഫ്യൂംസ് (My Perfumes): യുഎഇ ആസ്ഥാനമായുള്ള ഈ കമ്പനി 'അറേബിയത്ത് ഷുഗർ' എന്ന പേരിൽ 15 വ്യത്യസ്ത ഗോർമണ്ട് സുഗന്ധങ്ങളുടെ ശേഖരം പുറത്തിറക്കിയിട്ടുണ്ട്.

വർഷങ്ങളെടുത്താണ് ആളുകൾക്കിടയിൽ ഗോർമണ്ട് സുഗന്ധങ്ങളോടുള്ള പ്രിയം വർധിച്ചത്. ഉയർന്ന നിലവാരമുള്ളതും പുതുമയുള്ളതുമായ സുഗന്ധങ്ങളുടെ കാര്യത്തിൽ വിപണിയിൽ നിലനിന്നിരുന്ന വിടവ് നികത്താനാണ് ഞങ്ങൾ ശ്രമിക്കുന്നതെന്ന് മൈ പെർഫ്യൂംസ് ഗ്രൂപ്പിന്റെ മാനേജിംഗ് ഡയറക്ടർ മുസ്തഫ ഫിറോസ് ചൂണ്ടിക്കാട്ടി.

ഈ ശേഖരം ഔദ്യോഗിക ലോഞ്ചിന് മുൻപ് തന്നെ വലിയ തോതിൽ പ്രീ-ഓർഡറുകൾ നേടിയിരുന്നു. 2026-ൽ അഞ്ച് ദശലക്ഷം കുപ്പികൾ വിൽക്കാൻ കഴിയുമെന്നാണ് കമ്പനിയുടെ പ്രതീക്ഷ.

ട്യൂബീസ് (Tubies): ഐസ്‌ക്രീം ടബ്ബുകൾക്ക് സമാനമായ പാത്രങ്ങളിൽ സുഗന്ധദ്രവ്യങ്ങൾ വിപണിയിലെത്തിച്ച ട്യൂബീസ് ഈ ട്രെൻഡ് മുതലെടുക്കുന്ന മറ്റൊരു പ്രധാന ബ്രാൻഡാണ്. 'കുക്കീസ് ​​& ക്രീം', 'ചോക്ലേറ്റ് ഫഡ്ജ്' തുടങ്ങിയ പേരുകളാണ് ഈ ബ്രാൻഡ് ഉപയോഗിക്കുന്നത്.

ALSO READ: അപേക്ഷയിലെ തിരുത്തലുകൾക്ക് ഇനി വീണ്ടും ഫോം പൂരിപ്പിക്കേണ്ട; ഇ-പാസ്‌പോർട്ടിനൊപ്പം യുഎഇയിലെ പ്രവാസികൾക്ക് പുതിയ ആനുകൂല്യങ്ങളും 

പരമ്പരാഗത കമ്പനികളും ചുവടുമാറ്റുന്നു

ഓറിയന്റൽ, ഫ്രഞ്ച് ശൈലിയിലുള്ള പെർഫ്യൂമുകൾക്ക് പ്രാധാന്യം നൽകിയിരുന്ന പരമ്പരാഗത നിർമ്മാതാക്കളും പുതിയ ട്രെൻഡിനൊപ്പം ചേരാൻ തുടങ്ങി. ഗൾഫ് ഓർക്കിഡ് പോലുള്ള കമ്പനികൾ 'മാംഗോ ഐസ്', 'കോട്ടൺ കാൻഡി മസ്‌ക്' തുടങ്ങിയ സുഗന്ധങ്ങൾ അവതരിപ്പിച്ചിട്ടുണ്ട്. സോഷ്യൽ മീഡിയ ആകർഷണം ലക്ഷ്യമിട്ടുള്ള ഒരു 'മോക്ക്‌ടെയിൽ കളക്ഷൻ' പോലും അടുത്തിടെ ഇവർ ആരംഭിച്ചിരുന്നു.

 സ്റ്റോറുകളിൽ നേരിട്ട് സാമ്പിൾ ചെയ്ത് വാങ്ങിയിരുന്ന പഴയ രീതിക്ക് പകരം, ഇന്നത്തെ യുവതലമുറ ഓൺലൈൻ കണ്ടന്റ് ക്രിയേറ്റേഴ്സിന്റെ സ്വാധീനത്തിലാണ്. ഈ 'മധുരഗന്ധ' പ്രവണതയ്ക്ക് എത്രകാലം ആയുസ്സ് ഉണ്ടാകുമെന്നതാണ് വിപണിയിലെ ഇപ്പോഴത്തെ ചോദ്യം. എങ്കിലും, തത്കാലം യുഎഇയുടെ സുഗന്ധദ്രവ്യ വിപണി മധുരപലഹാരങ്ങളുടെ സുഗന്ധത്തിൽ നിറഞ്ഞിരിക്കുകയാണ്.

a new fragrance trend is taking over the uae as perfumes with bubblegum and cheesecake scents go viral. perfume lovers are embracing these sweet, dessert-inspired aromas that are redefining the region’s fragrance market.