ദുബൈ: ഇന്ത്യയിലെ ഏറ്റവും ജനപ്രിയ എഴുത്തുകാരിൽ ഒരാളും മുൻ ബാങ്കറുമായ ചേതൻ ഭഗത് കഴിഞ്ഞ ഒന്നര വർഷമായി ദുബൈയിലാണ് താമസിക്കുന്നത്. മുംബൈ ജീവിതത്തിലെ പ്രശസ്തിയുടെ തിരക്കുകളിൽ നിന്ന് മാറി, സ്വയം പുനർനിർമ്മിക്കാനുള്ള ശാന്തമായ ഇടം തേടിയാണ് താൻ ദുബൈയിൽ എത്തിയതെന്ന് സിറ്റി ടൈംസുമായുള്ള അഭിമുഖത്തിൽ അദ്ദേഹം വ്യക്തമാക്കി.

"ദുബൈ ഒരു ആഡംബര കേന്ദ്രവും പാർട്ടികളുടെ കേന്ദ്രവുമാണെന്ന് ഇൻസ്റ്റാഗ്രാമിൽ പലർക്കും ധാരണയുണ്ട്. എന്നാൽ രാവിലെ 5 മണിക്ക് ഇവിടെ ആളുകൾ ഓടുന്നു, നീന്തുന്നു, യോഗ ചെയ്യുന്നു, സൈക്കിൾ ചവിട്ടുന്നു, ഭക്ഷണം കഴിക്കുന്നു. ഇത് ശരിയായ ദിശയിൽ സഞ്ചരിക്കുന്ന ഒരു നഗരമാണ്." ദുബൈ മറീനയിലെ ശാന്തമായ അപ്പാർട്ട്‌മെന്റിൽ നിന്നുകൊണ്ട് ചേതൻ ഭഗത് വ്യക്തമാക്കി.

ALSO READ: യുഎഇയിൽ മധുര ​ഗന്ധജ്വരം; വൈറലായി ബബിൾ ഗത്തിന്റെയും ചീസ് കേക്കിന്റെയും മണമുള്ള പെർഫ്യൂമുകൾ  

ചേതൻ ഭ​ഗതിന്റെ പുതിയ പുസ്തകമായ '12 ഇയേഴ്‌സ്, മൈ മെസ്ഡ് അപ്പ് ലവ് സ്റ്റോറി' അടുത്തിടെയാണ് പുറത്തിറങ്ങിയത്. ദുബൈ അദ്ദേഹത്തിന്റെ പുതിയ ജീവിതത്തിൽ ഒരു പ്രധാന പങ്ക് വഹിക്കുന്നുണ്ട്. 

പ്രശസ്തിയിലെ 'ആന്തരിക ശൂന്യത'

ഫൈവ് പോയിന്റ് സംവൺ', 'ടു സ്റ്റേറ്റ്‌സ്' തുടങ്ങിയ സിനിമകളിലൂടെ നേടിയ വൻ വിജയവും പ്രശസ്തിയും തന്നെ 'സൃഷ്ടിക്കാനുള്ള സന്തോഷത്തിൽ' നിന്ന് അകറ്റിയെന്ന് ചേതൻ ഭഗത് തുറന്നു സമ്മതിച്ചു.

"പ്രശസ്തിയിൽ ഞാൻ വളരെയധികം ശ്രദ്ധ കേന്ദ്രീകരിച്ചിരുന്നു. എഴുത്താണ് എനിക്ക് യഥാർത്ഥ സന്തോഷം നൽകിയത്, അതിലേക്കുള്ള തിരിച്ചുവരവ് ഞാൻ കണ്ടെത്തി," മുൻ ബാങ്കർ കൂടിയായ അദ്ദേഹം വ്യക്തമാക്കി.

ALSO READ: അപേക്ഷയിലെ തിരുത്തലുകൾക്ക് ഇനി വീണ്ടും ഫോം പൂരിപ്പിക്കേണ്ട; ഇ-പാസ്‌പോർട്ടിനൊപ്പം യുഎഇയിലെ പ്രവാസികൾക്ക് പുതിയ ആനുകൂല്യങ്ങളും 

50 വയസ്സ് തികഞ്ഞത് തന്റെ ജീവിതത്തെ മാറ്റിമറിച്ചുവെന്ന് എഴുത്തുകാരൻ പറയുന്നു. ഇപ്പോൾ ബാഹ്യ വളർച്ചയിലല്ല, ആന്തരികമായ സന്തോഷത്തിലും ക്ഷേമത്തിലുമാണ് അദ്ദേഹം ശ്രദ്ധ കേന്ദ്രീകരിക്കുന്നത്.

"ഞാൻ ഇപ്പോൾ അഭിവൃദ്ധി പ്രാപിക്കാൻ ജീവിക്കുന്നു, ഞാൻ വിജയിച്ചു എന്ന് ലോകത്തോട് പറയാൻ അല്ല. ലോകത്തെ കാണിക്കാനല്ല, മറിച്ച് അതിൽ ജീവിക്കാനാണ് ഞാൻ ശാന്തമായ ജീവിതം നയിക്കുന്നത്," ഭഗത് പറഞ്ഞു.

discover how bestselling author chetan bhagat found inspiration and renewal in dubai. in a heartfelt quote, he shares, "i came back to myself here, this city that moves in the right direction." explore why dubai's dynamic energy is captivating writers and dreamers alike.