കൊച്ചി: കാരബാവോ കപ്പിൽ ക്രിസ്റ്റൽ പാലസിനോട് പരാജയപ്പെട്ടതിന് പിന്നാലെ ലിവർപൂൾ പരിശീലകൻ ആർനെ സ്ലോട്ടിന്റെ അഭിപ്രായ പ്രകടനത്തോട് വിയോജിച്ച് ക്രിസ്റ്റൽ പാലസ് മാനേജർ ഒലിവർ ഗ്ലാസ്നർ. ആൻഫീൽഡിൽ നടന്ന കാരബാവോ കപ്പ് ക്വാർട്ടർ ഫൈനൽ മത്സരത്തിൽ മറുപടിയില്ലാത്ത മൂന്ന് ഗോളുകൾക്കാണ് ഈഗിൾസ് (ക്രിസ്റ്റൽ പാലസ്) റെഡ്‌സ് ടീമിനെ (ലിവർപൂൾ) പരാജയപ്പെടുത്തിയത്.

സ്ലോട്ടിന്റെ പരാമർശവും ഗ്ലാസ്നറുടെ മറുപടിയും

മത്സരശേഷം മാധ്യമപ്രവർത്തകരുമായി സംസാരിച്ച സ്ലോട്ട്, ടീമിലെ താരങ്ങൾക്ക് പരുക്കുള്ളതിനാൽ ശക്തമായ മാറ്റങ്ങൾ വരുത്തി ദുർബലമായ ഒരു ടീമിനെ കളത്തിലിറക്കാൻ താൻ നിർബന്ധിതനായെന്ന് സൂചിപ്പിച്ചു. എന്നാൽ, ഈ പരാമർശം 'അനാദരവുള്ളതായി' (disrespectful) തോന്നിയെന്ന് ഓസ്ട്രിയൻ മാനേജരായ ഗ്ലാസ്നർ പ്രതികരിച്ചു.

ഗ്ലാസ്നർ തൻ്റെ നിലപാട് വ്യക്തമാക്കിയതിങ്ങനെ:

“ജോ ഗോമസ് ഇംഗ്ലണ്ടിനായി കളിക്കുന്നത് ഞാൻ കണ്ടിട്ടുണ്ട്, ചാമ്പ്യൻസ് ലീഗ് നേടുന്നത് കണ്ടിട്ടുണ്ട്, വാടാരു എൻഡോ ജപ്പാനുവേണ്ടി എത്ര മത്സരങ്ങൾ കളിച്ചിട്ടുണ്ടെന്ന് എനിക്കറിയില്ല, അലക്സിസ് മാക് അലിസ്റ്റർ ലോകകപ്പ് നേടിയ സ്റ്റാർട്ടറാണ്. കെർക്കസ് 40 മില്യൺ വിലയ്ക്ക് ക്ലബ്ബ് മാറിയ താരമാണ്. (ഫെഡറിക്കോ) ചീസ ഇറ്റലി ദേശീയ ടീമിനായി കളിക്കുന്നു. എൻഗുമോഹ പ്രീമിയർ ലീഗിൽ ഗോളുകൾ നേടാൻ കഴിവുള്ള താരമാണെന്ന് തെളിയിച്ചിട്ടുണ്ട്.”

"അതുകൊണ്ട് തന്നെ, അത് ഇപ്പോഴും നല്ലൊരു ടീമായിരുന്നു. എല്ലാവരും ലിവർപൂൾ ടീമിലെ അംഗങ്ങളാണ്. ഒരുപക്ഷേ അത് ഏറ്റവും ശക്തമായ ടീമായിരിക്കില്ല, പക്ഷേ ഇപ്പോഴും വളരെ മികച്ച ഒരു ലിവർപൂൾ ടീമായിരുന്നു." എന്ന് AS വഴി പറഞ്ഞു

ലിവർപൂൾ ടീം ലൈനപ്പ്

സാധാരണയായി ടീമിൽ സ്ഥിരമായി കളിക്കുന്ന പ്രമുഖ താരങ്ങളായ മുഹമ്മദ് സലാ, വിർജിൽ വാൻ ഡിജ്‌ക്, ഡൊമിനിക് സോബോസ്റ്റായ് തുടങ്ങിയവർക്ക് സ്ലോട്ട് വിശ്രമം നൽകിയിരുന്നു.ലിവർപൂളിന്റെ ആദ്യ ഇലവനിൽ കീറൻ മോറിസൺ, ഫ്രെഡി വുഡ്‌മാൻ എന്നിവരടക്കം രണ്ട് പുതുമുഖങ്ങൾ ഉണ്ടായിരുന്നു.കൂടാതെ, മൂന്ന് വർഷത്തിനുശേഷം ക്ലബ്ബിനായി ആദ്യ മത്സരം കളിച്ച കാൽവിൻ റാംസെ, 18 വയസ്സുള്ള ട്രേ നോണി, 17 വയസ്സുള്ള റിയോ എൻഗുമോഹ എന്നിവരും അണിനിരന്നു.രണ്ടാം പകുതിയിൽ ഇറങ്ങിയ വെല്ലിറ്റി ലക്കി, ട്രെന്റ് കോൺ-ഡോഹെർട്ടി എന്നിവർ തങ്ങളുടെ അരങ്ങേറ്റ മത്സരം കളിച്ചു.

മത്സരത്തിലെ പ്രധാന സംഭവങ്ങൾ

ആദ്യ പകുതിയുടെ അവസാന അഞ്ച് മിനിറ്റിനുള്ളിൽ ഇസ്മായില സാറിലൂടെ ക്രിസ്റ്റൽ പാലസ് രണ്ട് ഗോളുകൾ നേടി ലീഡ് ഉയർത്തി. രണ്ടാം പകുതിയിൽ ലിവർപൂൾ താരം അര നല്ലോ ചുവപ്പ് കാർഡ് കണ്ട് പുറത്തായത് ടീമിന് തിരിച്ചടിയായി. തുടർന്ന്, സ്പാനിഷ് ഇന്റർനാഷണൽ താരം യെറെമി പിനോയിലൂടെ ഈഗിൾസ് മൂന്നാം ഗോൾ നേടി തങ്ങളുടെ ക്വാർട്ടർ ഫൈനൽ പ്രവേശനം ഉറപ്പിച്ചു.