ബെംഗളൂരു: ബെംഗളൂരുവിലെ ജിഗാനി കല്ലുബാലു സഹകരണ ബാങ്കിന്റെ വൈ-ഫൈ നെറ്റ്‌വർക്ക് നെയിം 'പാകിസ്ഥാൻ സിന്ദാബാദ്' എന്ന് കണ്ടെത്തിയതിനെത്തുടർന്ന് പൊലിസ് കേസെടുത്തു. 

ചൊവ്വാഴ്ച രാവിലെ ഗോവർദ്ധൻ സിംഗ് എന്നയാളാണ് ഈ അസാധാരണമായ വൈ-ഫൈ ഐഡി ആദ്യം ശ്രദ്ധിച്ചത്. ബാങ്ക് പരിസരത്ത് വെച്ച് മൊബൈലിൽ വൈ-ഫൈ കണക്ഷനുകൾ തിരഞ്ഞപ്പോഴാണ് ഈ പേര് കണ്ടത്. തുടർന്ന് അദ്ദേഹം ഈ വിവരം പൊലിസിൽ അറിയിച്ചു. ഗോവർദ്ധൻ സിംഗിന്റെ പരാതിയിൽ പൊലിസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

ALSO READ: സിസിടിവി ദൃശ്യങ്ങൾ വഴിത്തിരിവായി; ഭക്ഷണ വിതരണ ജീവനക്കാരന്റെ മരണം കൊലപാതകം; കളരിപ്പയറ്റ് പരിശീലകനും ഭാര്യയും പിടിയിൽ

വൈ-ഫൈ നെറ്റ്‌വർക്ക് കേടായതിനെത്തുടർന്ന് റിപ്പയർ ചെയ്യുന്നതിനായി ഒരു പ്രാദേശിക ടെക്നീഷ്യനെ വിളിച്ചിരുന്നു. എന്നാൽ, വൈ-ഫൈ നെയിം മാറ്റിയ ഉടൻ തന്നെ ടെക്നീഷ്യൻ ബാങ്ക് വിട്ടുപോയിരുന്നു. പിന്നീട് ഇയാളെ വിളിക്കുമ്പോൾ ഫോൺ ഫോൺ സ്വിച്ച് ഓഫ് ആയിരുന്നുവെന്നാണ് സംഭവത്തിൽ ബാങ്ക് അധികൃതരുടെ വിശദീകരണം. 

ഇതോടെ പൊലിസിന് ടെക്നീഷ്യന് മേലുള്ള സംശയം വർധിച്ചു. എന്നാൽ, ടെക്നീഷ്യനെ ഇതുവരെ കണ്ടെത്താൻ പൊലിസിന് കഴിഞ്ഞിട്ടില്ല. അതേസമയം, ഇതൊരു തമാശയാണോ അതോ വർഗീയ വികാരം വൃണപ്പെടുത്താനുള്ള മനഃപൂർവമായ ശ്രമമാണോ എന്ന് പൊലിസ് പരിശോധിച്ച് വരികയാണ്. 

Police have filed a case after the Wi-Fi network name of the Jigani Kallubalu Co-operative Bank in Bengaluru was allegedly changed to 'Pakistan Zindabad'. The issue came to light on Tuesday morning when a local resident, Govardhan Singh, noticed the unusual network name while searching for Wi-Fi connections near the bank premises, and subsequently reported it to the police.