മുംബൈ: ഇന്ത്യയിൽ ആർട്ടിഫിഷ്യൽ ഇന്റലിജൻസ് (AI) രംഗത്ത് വിപ്ലവം സൃഷ്ടിക്കാൻ റിലയൻസ് ഇൻഡസ്ട്രീസ് ലിമിറ്റഡിന്റെ (RIL) ഭാഗമായ റിലയൻസ് ജിയോയും. പദ്ധതിയുടെ ഭാ​ഗമായി ഗൂഗിളുമായുള്ള ചരിത്രപരമായ സഹകരണത്തിന് തുടക്കം റിലയൻസ് ജിയോ കുറിച്ചു. രാജ്യത്തെ  ഉപയോക്താക്കൾക്ക് പ്രീമിയം എഐ ടൂളുകൾ സൗജന്യമായി ലഭ്യമാക്കുക എന്ന ലക്ഷ്യത്തോടെയാണ് ഈ പുതിയ സംരംഭം.

ജിയോയുടെ സജീവമായ ഉപയോക്താക്കളിൽ 18 മുതൽ 25 വയസ്സ് വരെ പ്രായമുള്ള, അൺലിമിറ്റഡ് 5G പ്ലാനുകൾ ഉപയോഗിക്കുന്നവർക്കാണ് ഗൂഗിളിന്റെ അത്യാധുനിക എഐ സ്യൂട്ടായ 'ജെമിനി A പ്രോ' സേവനം 18 മാസത്തേക്ക് സൗജന്യമായി ലഭിക്കുക. നിലവിലെ കണക്കനുസരിച്ച് ഒരു ഉപയോക്താവിന് 35,100 രൂപ മൂല്യം വരുന്ന സേവനങ്ങളാണ് ഇതിലൂടെ സൗജന്യമാകുന്നത്.

ALSO READ: രൂപത്തിലും ഭാവത്തിലും അടിമുടി മാറ്റം: സുസുക്കിയുടെ പുതിയ മൈക്രോ എസ്‌യുവി ക്രോസ്ബീ അവതരിച്ചു 

എന്തുകൊണ്ട് ഈ നീക്കം?

ഇന്ത്യയിലെ 500 ദശലക്ഷം ആളുകളിലേക്ക് ഈ സൗകര്യം എത്തിക്കാനാണ് ജിയോ ലക്ഷ്യമിടുന്നത്. പ്രീമിയം AI ഉപകരണങ്ങൾ ഉപയോഗിച്ച് യുവാക്കളെ ശാക്തീകരിക്കുന്നതിലൂടെ രാജ്യത്ത് അത്യാധുനിക സാങ്കേതികവിദ്യയെ ജനാധിപത്യവൽക്കരിക്കാനുള്ള തങ്ങളുടെ പ്രതിബദ്ധതയാണ് ഈ തീരുമാനത്തിന് പിന്നിലെന്ന് ജിയോ അധികൃതർ വ്യക്തമാക്കുന്നു. ഇന്ത്യയിലെ യുവജനങ്ങളിൽ സർഗ്ഗാത്മകത, വിദ്യാഭ്യാസം, ഡിജിറ്റൽ നവീകരണം എന്നിവ പ്രോത്സാഹിപ്പിക്കുകയാണ് സംരംഭത്തിന്റെ പ്രധാന ലക്ഷ്യം.

ഉപയോക്താക്കൾക്ക് ലഭിക്കുന്ന സേവനങ്ങൾ

സൗജന്യ ജെമിനി AI പ്രോ പ്ലാൻ വഴി ഉപയോക്താക്കൾക്ക് ലഭിക്കുന്ന പ്രധാന സേവനങ്ങൾ ഇവയാണ്:

പരിധിയില്ലാത്ത ചാറ്റുകൾ

2 TB ക്ലൗഡ് സ്റ്റോറേജ്

വിപുലമായ ഇമേജ്, വീഡിയോ ജനറേഷൻ ടൂളുകൾ

ഗൂഗിൾ ആപ്പുകളിലുടനീളമുള്ള സംയോജനം

ജെമിനി 2.5 പ്രോ, വിയോ 3 ഫാസ്റ്റ്, ഫ്ലോ & വിസ്‌ക്, ജെമിനി കോഡ് അസിസ്റ്റ്, നോട്ട്ബുക്ക്എൽഎം തുടങ്ങിയ ഏറ്റവും നൂതനമായ AI മോഡലുകൾ.

ഈ ഓഫർ 349 രൂപ മുതൽ ആരംഭിക്കുന്ന ജിയോയുടെ എല്ലാ പ്രീപെയ്ഡ്, പോസ്റ്റ്‌പെയ്ഡ് 5G അൺലിമിറ്റഡ് പ്ലാനുകൾക്കും ലഭ്യമാകും.

എങ്ങനെ ക്ലെയിം ചെയ്യാം?

യോ​ഗ്യരായ വരിക്കാർക്ക് 2025 ഒക്ടോബർ 30 മുതൽ ഈ പദ്ധതിയുടെ പ്രയോജനം ലഭിച്ചുതുടങ്ങും.

മൈജിയോ (MyJio) ആപ്പ് തുറക്കുക.

ആപ്പിലെ 'ക്ലെയിം നൗ' (Claim Now) ബാനറിൽ ക്ലിക്ക് ചെയ്യുക.

സൗജന്യ പ്ലാൻ നേരിട്ട് ആക്ടിവേറ്റ് ചെയ്യാം.

ഒരിക്കൽ ആക്ടിവേറ്റ് ചെയ്താൽ, ഉപയോക്താവ് സജീവമായ ജിയോ 5G അൺലിമിറ്റഡ് പ്ലാൻ നിലനിർത്തുന്നിടത്തോളം കാലം 18 മാസത്തേക്ക് സേവനം തടസ്സമില്ലാതെ സൗജന്യമായി തുടരും. നിലവിൽ ജെമിനി പ്രോ സബ്‌സ്‌ക്രൈബർമാരായവർക്ക് അവരുടെ പ്ലാൻ കാലഹരണപ്പെട്ട ശേഷം ഈ ഓഫറിലേക്ക് മാറാനുള്ള സൗകര്യവും ലഭ്യമാണ്. ജിയോയുടെ വേഗതയേറിയ 5G നെറ്റ്‌വർക്കിന്റെ കരുത്തിൽ ഏറ്റവും പുതിയ AI ടൂളുകളിലേക്ക് എളുപ്പത്തിൽ പ്രവേശനം ഉറപ്പാക്കാൻ ഈ നീക്കം ഉപയോക്താക്കളെ സഹായിക്കും.

jio and google have partnered to offer Google Gemini AI Pro tools—valued at ₹35,100 per user—free for 18 months to young Jio users (aged 18-25) on unlimited 5G plans. This initiative, starting October 30, 2025, aims to democratize access to advanced AI technology in India by empowering youth with premium AI tools like enhanced cloud storage, advanced image/video generation, and integration across Google apps.