2026 ഐപിഎല്ലിന് മുന്നോടിയായി മലയാളി താരം സഞ്ജു സാംസണെ സ്വന്തമാക്കാൻ ഡൽഹി ക്യാപിറ്റൽസ് ഒരുങ്ങുന്നതായി റിപ്പോർട്ട്. സഞ്ജുവിനെ ടീമിലെത്തിക്കാൻ ഡൽഹി മാനേജ്‌മന്റ് സഞ്ജുവുമായി ചർച്ച നടത്തിയെന്നാണ് റിപ്പോർട്ടുകൾ സൂചിപ്പിക്കുന്നത്. സഞ്ജുവിനെ ടീമിലെത്തിക്കാനായി ക്യാപ്റ്റൻ സ്ഥാനവും ഡൽഹി വാഗ്ദാനം നൽകിയിട്ടുണ്ട്. റേവ് സ്പോർട്സാണ് ഇക്കാര്യം റിപ്പോർട്ട് ചെയ്‍തത്.

സഞ്ജു ഇതിന് മുമ്പ് ഐപിഎല്ലിൽ ഡൽഹിക്ക് വേണ്ടി കളിച്ചിട്ടുണ്ട്. 2016 മുതൽ 2018 വരെയാണ് സഞ്ജു ഡൽഹിയിൽ കളിച്ചത്. ഡെൽഹിക്കായി സെഞ്ച്വറി നേടാനും മലയാളി താരത്തിന് സാധിച്ചിരുന്നു. സഞ്ജുവിനെ സ്വന്തമാക്കാൻ കൊൽക്കത്ത നൈറ്റ് റൈഡേഴ്സ്, ചെന്നൈ സൂപ്പർ കിങ്സ് തുടങ്ങിയ ടീമുകൾ നേരത്തെതന്നെ ശ്രമങ്ങൾ നടത്തിയിരുന്നു. 

2021ൽ ആയിരുന്നു സഞ്ജു രാജസ്ഥാൻ റോയൽസിന്റെ ക്യാപ്റ്റനായി ചുമതലയേറ്റത്. തൊട്ടടുത്ത വർഷം രാജസ്ഥാനെ ഫൈനലിലേക്ക് നയിക്കാനും സഞ്ജുവിന് സാധിച്ചു എന്നാൽ ഗുജറാത്ത് ടൈറ്റ്സിനോട് പരാജയപ്പെട്ട് രാജസ്ഥാന് കിരീടം നഷ്ടമാവുകയായിരുന്നു. 

2025 ഐപിഎല്ലിൽ പരുക്കേറ്റതിന് പിന്നാലെ സഞ്ജുവിന് രാജസ്ഥാനൊപ്പമുള്ള ധാരാളം മത്സരങ്ങൾ നഷ്ടമായിരുന്നു. ഡൽഹി ക്യാപ്പിറ്റൽസിനെതിരായ മത്സരത്തിൽ പരുക്കേറ്റ് സഞ്ജു പുറത്തായിരുന്നു. മത്സരത്തിൽ റിട്ടയേർഡ് ഹർട്ടായാണ് സഞ്ജു മടങ്ങിയത്. സഞ്ജുവിന്റെ അഭാവത്തിൽ റിയാൻ പരാഗ് ആയിരുന്നു പല മത്സരങ്ങളിലും രാജസ്ഥാനെ നയിച്ചിരുന്നത്. തുടക്കത്തിലെ ആദ്യം മൂന്നു മത്സരങ്ങളിലും സഞ്ജു ഇമ്പാക്ട് പ്ലെയർ ആയാണ് കളത്തിൽ ഇറങ്ങിയത്

കഴിഞ്ഞ ഐപിഎല്ലിൽ നിരാശാജനകമായ പ്രകടനമാണ് രാജസ്ഥാൻ നടത്തിയിരുന്നത്. ഒമ്പതാം സ്ഥാനത്താണ് രാജസ്ഥാൻ ഫിനിഷ് ചെയ്‍തത്. 14 മത്സരങ്ങളിൽ നിന്നും നാല് വിജയവും 10 തോൽവിയും അടക്കം എട്ട് പോയിന്റായിരുന്നു രാജസ്ഥാൻ നേടിയിരുന്നത്.

അതേസമയം രാജസ്ഥാൻ റോയൽസ് പരിശീലക സ്ഥാനത്തുനിന്നും രാഹുൽ ദ്രാവിഡ് അടുത്തിടെ പടിയിറങ്ങിയിരുന്നു. ഇന്ത്യയുടെ 2024 ടി-20 ലോകകപ്പ് വിജയത്തിന് ശേഷം ദ്രാവിഡ് പരിശീലകസ്ഥാനം ഒഴിഞ്ഞ ദ്രാവിഡ് പിന്നീട് രാജസ്ഥാന്റെ പരിശീലകനായി ചുമതലയേൽക്കുകയായിരിക്കുന്നു. ശ്രീലങ്കൻ ഇതിഹാസം കുമാർ സംഗക്കാരക്ക് പകരക്കാരനായാണ് ദ്രാവിഡ് രാജസ്ഥാന്റെ പരിശീലക കുപ്പായമണിഞ്ഞിരുന്നത്.

Delhi Capitals are reportedly preparing to acquire Malayali player Sanju Samson ahead of the 2026 IPL. Reports indicate that the Delhi management has held talks with Sanju to bring him into the team.