കുവൈത്ത് സിറ്റി: കച്ചവടത്തിനായി വൻതോതിൽ മയക്കുമരുന്ന് കൈവശം വച്ച ഒരു ഏഷ്യൻ പൗരനെ അൽ-മൻകാഫ് ഏരിയയിൽ വെച്ച് അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു.

മന്ത്രാലയം അറിയിച്ചത് പ്രകാരം, പ്രതിയിൽ നിന്ന് 6 കിലോഗ്രാം ഹെറോയിനും, 4 കിലോഗ്രാം മെത്താംഫെറ്റാമിനും പിടിച്ചെടുത്തു. മയക്കുമരുന്ന് അളക്കാൻ ഉപയോഗിച്ചിരുന്ന രണ്ട് സെൻസിറ്റീവ് ത്രാസുകളും പിടിച്ചെടുത്തവയിൽ ഉൾപ്പെടുന്നു. പിടിച്ചെടുത്ത ലഹരിവസ്തുക്കൾക്ക് ഏകദേശം 170,000 കുവൈത്തി ദിനാർ (KD) മൂല്യം വരുമെന്നാണ് കണക്കാക്കപ്പെടുന്നത്.

ALSO READ: ഇന്ധനവില കുറഞ്ഞു: അജ്മാനിൽ ടാക്സി നിരക്കും കുറച്ചു, പുതിയ നിരക്ക് നവംബർ 1 മുതൽ

അന്വേഷണത്തിൽ, പ്രതിക്ക് വിദേശത്ത് നിന്ന് നിർദ്ദേശങ്ങൾ ലഭിച്ചിരുന്നതായി കണ്ടെത്തി. ഇയാൾ ഒരു സോഷ്യൽ മീഡിയ ആപ്ലിക്കേഷനിലെ ലൊക്കേഷൻ ട്രാക്കിംഗ് സവിശേഷത ഉപയോഗിച്ച് രഹസ്യമായി മയക്കുമരുന്ന് ശേഖരിച്ചിരുന്നു. മുൻകൂട്ടി നിശ്ചയിച്ച സ്ഥലങ്ങളിൽ എത്തിച്ച് ലഹരിവസ്തുക്കൾ ശേഖരിക്കുന്ന ആധുനിക രീതിയാണ് ഇയാൾ ഉപയോഗിച്ചിരുന്നത്.

തുടർനടപടികൾക്കായി പ്രതിയെയും, പിടിച്ചെടുത്ത സാധനങ്ങളും ബന്ധപ്പെട്ട അധികാരികൾക്ക് കൈമാറിയതായി ആഭ്യന്തര മന്ത്രാലയം അറിയിച്ചു.

ലഹരിക്കടത്ത് തടയുന്നതിനും സമൂഹത്തെ ലഹരിയുടെ അപകടങ്ങളിൽ നിന്ന് സംരക്ഷിക്കുന്നതിനും പരിശോധനകൾ കൂടുതൽ ശക്തമാക്കുമെന്ന് മന്ത്രാലയം വ്യക്തമാക്കി. സംശയാസ്പദമായ ഏതെങ്കിലും പ്രവർത്തനങ്ങൾ ശ്രദ്ധയിൽപെട്ടാൽ ഔദ്യോഗിക മാർ​ഗങ്ങളിലൂടെ അധികൃതരെ അറിയിക്കണമെന്ന് മന്ത്രാലയം പൊതുജനങ്ങളോട് അഭ്യർത്ഥിച്ചു.

The Ministry of Interior has announced the arrest of an Asian citizen in possession of a large quantity of narcotics in the Al-Mankaf area. The individual was found with a substantial amount of drugs, sparking concerns about the ongoing issue of drug trafficking in the region.