തലശ്ശേരി: നിട്ടൂര്‍ ഗുംട്ടിയില്‍ ഓട്ടോ തിരിക്കുന്നതിനിടയില്‍ റോഡരികിലുള്ള സ്റ്റീല്‍ ബോബില്‍ കയറി ഇറങ്ങി. ബോംബ് പൊട്ടിയെങ്കിലും കനത്ത സ്ഥോടനം ഉണ്ടായില്ല. ഇന്നലെ രാത്രി എട്ടു മണിയോടെയാണ് സംഭവം. ബോംബില്‍ ഓട്ടോ കയറിയിറങ്ങിയതിനെ തുടര്‍ന്ന് തീയും പുകയും ഉയരുകയായിരുന്നു. സംഭവത്തില്‍ ആര്‍ക്കും പരിക്കേറ്റില്ല. സംഭവമറിഞ്ഞ് സ്ഥലത്തെത്തിയ ധര്‍മടം പൊലിസ്, ബോംബ് നിര്‍മിച്ച സ്റ്റീല്‍ കണ്ടെയ്‌നര്‍ കണ്ടെടുത്തു. സംഭവത്തില്‍ പൊലിസ് കേസെടുത്തിട്ടുണ്ട്.