ന്യൂഡല്‍ഹി: വനിത ലോകകപ്പ് സെമി ഫൈനലിലെ ഹീറോ ജമീമ റോഡിഗ്രസിനെതിരെ വിദ്വേഷം തുപ്പി ബിജെപി നേതാവും, നടിയുമായ കസ്തൂരി. സെമി മത്സരത്തിലെ വിജയത്തിന് ശേഷം താരം യേശുവിന് നന്ദി പറഞ്ഞതിനെതിരെയാണ് ബിജെപി നേതാവ് രംഗത്തെത്തിയത്. എക്‌സിലായിരുന്നു പ്രതികരണം. 

'താന്‍ കപടമതേതര വാദി അല്ല, യേശുവിന് പകരം ജയ്ശ്രീ റാം എന്ന് പറഞ്ഞിരുന്നുവെങ്കില്‍ എന്താകുമായിരുന്നു? വിജയത്തിന് ശേഷം ശിവനോ, ഹനുമാനോ ആണ് തന്റെ വിജയത്തിന് പിന്നില്‍ എന്ന് ഏതെങ്കിലും താരം പറഞ്ഞിട്ടുണ്ടോ? ദൈവം ജമീമയെ അനുഗ്രഹിക്കട്ടെ' കസ്തൂരി കുറിച്ചു.

ALSO READ: വിചാരണത്തടവുകാരുടെ ജാമ്യം പരിഗണിക്കുമ്പോൾ കുറ്റകൃത്യത്തിന്റെ ഗൗരവം നിർണ്ണായക ഘടകമല്ലെന്ന് സുപ്രിംകോടതി 

ജെമീമയുടെ സെഞ്ചറി ബലത്തിലാണ് ഇന്ത്യ ഓസ്‌ട്രേലിയയെ തകര്‍ത്ത് ഫൈനല്‍ യോഗ്യത നേടിയത്. 134 പന്തില്‍ 127 റണ്‍സാണ് ജമീമ എടുത്തത്. ഓസ്‌ട്രേലിയ ഉയര്‍ത്തിയ 339 വിജയലക്ഷ്യം മറികടന്നാണ് ഇന്ത്യ ഫൈനല്‍ ടിക്കറ്റ് ഉറപ്പിച്ചത്. സമ്മാനദാന ചടങ്ങിനിടെ, മത്സരത്തിനിടയില്‍ ശാരീരികമായി തളര്‍ന്നപ്പോള്‍ യേശു ഒപ്പം ഉണ്ടായിരുന്നെന്നും അങ്ങനെ ആണ് ഇന്ത്യയെ ഫൈനലില്‍ എത്തിക്കാന്‍ കഴിഞ്ഞതെന്നും ജമീമ പറഞ്ഞിരുന്നു. 

ജമീമയുടെ പ്രസ്താവനക്കെതിരെ സംഘപരിവാര്‍ ഹാന്‍ഡിലുകള്‍ കടുത്ത വര്‍ഗീയ പരാമര്‍ശങ്ങളാണ് നടത്തുന്നത്. മുന്‍പ് മതപരിവര്‍ത്തനം ആരോപിച്ച് ജെമീമയുടെ അച്ഛനെതിരെ പൊലിസ് വേട്ടായടലും നടന്നിരുന്നു. 

bjp leader and actress kasturi made hateful remarks targeting cricketer jemimah rodrigues after her women’s world cup semifinal performance.