ഇരിട്ടി: സ്‌കൂള്‍ മുറ്റത്തെ ഓണപ്പൂക്കളങ്ങളില്‍ സ്വന്തമായി വിരിയിച്ച പൂക്കള്‍ കൊണ്ടു ചന്തമൊരുക്കാന്‍ ഒരുങ്ങുകയാണ് ഇരിട്ടി വിളക്കോട് ഗ്ലോബല്‍ ഇന്ത്യാ പബ്ലിക് സ്‌കൂളിലെ വിദ്യാര്‍ഥികള്‍. സ്‌കൂളി നോടു ചേര്‍ന്ന ഒരേക്കര്‍ സ്ഥലത്താണ് വിദ്യാര്‍ഥികള്‍ പുഷ്പ കൃഷി നടത്തിയിരിക്കുന്നത്. കര്‍ണാടകയിലെ ഗുണ്ടല്‍പേട്ടില്‍ നിന്നു കൊണ്ടുവന്ന ഹൈഗ്രീഡ് വിത്തുകളാണ് ഉപയോഗിച്ചത്. യാതൊരു കീടനാശിനികളും ഉപയോഗിക്കാതെ നിര്‍മിച്ചതിനാല്‍ പൂന്തോട്ടത്തില്‍ ധാരാളം തുമ്പികളും പൂമ്പാറ്റകളും സന്ദര്‍ശകരായി എത്തുന്നുണ്ട്.