ചിറ്റൂര്‍: ചിറ്റൂരില്‍ ഇരട്ടക്കുട്ടികള്‍ കുളത്തില്‍ മുങ്ങി മരിച്ചു. ചിറ്റൂര്‍ സ്വദേശി കാശി വിശ്വനാഥന്റെ മക്കളായ രാമനും ലക്ഷ്മണനുമാണ് ലങ്കേശ്വരം ശിവക്ഷേത്ര കുളത്തില്‍ മുങ്ങി മരിച്ചത്. ഇന്നലെ വൈകിട്ടാണ് അണിക്കോടുനിന്ന് ഇരുവരെയും കാണാതായത്. ചിറ്റൂര്‍ ബോയ്സ് ഹൈസ്‌കൂളിലെ ഒമ്പതാംക്ലാസ് വിദ്യാര്‍ഥികളായിരുന്നു.

ALSO READ: ചിറ്റൂരില്‍ 14കാരന്‍ കുളത്തില്‍ മുങ്ങി മരിച്ചു; ഇരട്ട സഹോദരനായ തിരച്ചില്‍ തുടരുന്നു

ഇലക്ട്രിക് സ്‌കൂട്ടറിലാണ് കുട്ടികള്‍ വീട്ടില്‍നിന്ന് പോയത്. രാത്രിയായിട്ടും വീട്ടില്‍ എത്താത്തതിനെ തുടര്‍ന്നാണ് തിരച്ചില്‍ നടത്തിയത്. അന്വേഷണം നടക്കുന്നതിനിടെയാണ് രാമന്റെ വസ്ത്രങ്ങള്‍ കുളത്തിന്റെ കരയില്‍ കണ്ടെത്തി. ഫയര്‍ഫോഴ്സ് രാവിലെ നടത്തിയ തിരച്ചിലില്‍ ലക്ഷ്മണന്റെ മൃതദേഹം ആദ്യം കണ്ടെത്തി. പിന്നീട് രാമന്റെ മൃതദേഹവും കണ്ടെത്തി. ഇരുവര്‍ക്കും നീന്തല്‍ അറിയില്ലായിരുന്നു.

വയനാട് ജില്ലയിലും ഇന്ന് ഒരു മുങ്ങി മരണം റിപ്പോര്‍ട്ട് ചെയ്യപ്പെട്ടിട്ടുണ്ട്. പെരുങ്കോട മുത്താറിക്കുന്ന് ഭാഗത്ത് 14 വയസുള്ള വിദ്യാര്‍ഥിയാണ് പുഴയില്‍ മുങ്ങി മരിച്ചു. മേപ്പാടി പാലവയല്‍ സ്വദേശിയായ ആര്യ ദേവ് ആണ് മരിച്ചത്. ബന്ധു വീട്ടിലേക്ക് വിരുന്നെത്തിയതായിരുന്ന ആര്യ ദേവ്. നാട്ടുകാര്‍ നടത്തിയ തിരച്ചിലില്‍ കുട്ടിയെ കണ്ടെത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല. മേപ്പാടി ഗവ. സ്‌കൂളിലെ 10ാം ക്ലാസ് വിദ്യാര്‍ഥിയാണ് ആര്യ ദേവ്. പിതാവ് അനില്‍. മാതാവ് രമ്യ. മൃതദേഹം വൈത്തിരി ആശുപത്രിയില്‍.

ALSO READ: ബന്ധുവീട്ടിലേക്ക് വിരുന്നു പോയ വിദ്യാര്‍ഥി പുഴയില്‍ മുങ്ങി മരിച്ചു