സഊദി പ്രൊ ലീഗിൽ വിജയക്കുതിപ്പ് തുടർന്ന് അൽ നസർ. കഴിഞ്ഞ ദിവസം നടന്ന മത്സരത്തിൽ അൽ ഫെയ്‌ഹായെ ഒന്നിനെതിരെ രണ്ട് ഗോളുകൾക്കാണ് അൽ നസർ തകർത്തുവിട്ടത്. അൽ നസറിനായി നായകൻ ക്രിസ്റ്റ്യാനോ റൊണാൾഡോ ഇരട്ട ഗോൾ നേടി തിളങ്ങിയപ്പോൾ അൽ നസർ മിന്നും വിജയം കൈവരിക്കുകയായിരുന്നു. മത്സരത്തിൽ ജേസണിലൂടെ അൽ നസർ ആണ് ആദ്യ ഗോൾ നേടിയത്.

എന്നാൽ ആദ്യ പകുതി അവസാനിക്കുന്നതിന് മുമ്പ് തന്നെ റൊണാൾഡോ അൽ നസറിനായി സമനില ഗോൾ നേടി. ഒടുവിൽ ആദ്യ പകുതിയിൽ ഇരു ടീമുകളും ഓരോ ഗോൾ വീതം നേടി പോയിന്റുകൾ പങ്കുവെക്കുകയായിരുന്നു. രണ്ടാം പകുതിയിൽ ഇരു ടീമുകളും വിജയഗോളിനായി മികച്ച നീക്കങ്ങൾ നടത്തി. ഒടുവിൽ മത്സരത്തിന്റെ ഇഞ്ചുറി ടൈമിൽ ലഭിച്ച പെനാൽറ്റി കൃത്യമായി ലക്ഷ്യത്തിൽ എത്തിച്ചുകൊണ്ട് റൊണാൾഡോ അൽ നസറിന് ത്രില്ലർ വിജയം സമ്മാനിക്കുകയായിരുന്നു. 

 മത്സരത്തിലെ ഇരട്ട ഗോൾ നേട്ടത്തിന് പിന്നാലെ സഊദി പ്രൊ ലീഗിന്റെ ചരിത്രത്തിൽ ഏറ്റവും കൂടുതൽ ഗോൾ നേടിയ താരങ്ങളുടെ പട്ടികയിൽ ആറാം സ്ഥാനത്തേക്ക് ഉയർന്നിരിക്കുകയാണ് റൊണാൾഡോ. ഇതുവരെ 82 ലീഗ് ഗോളുകളാണ് റൊണാൾഡോ അൽ നസറിനായി അടിച്ചുകൂട്ടിയിട്ടുള്ളത്. 81 ഗോളുകൾ നേടിയ സെനഗൽ താരം ബാഫെറ്റിംബി ഗോമിസിനെ മറികടന്നാണ് റൊണാൾഡോയുടെ കുതിപ്പ്. യാസർ അൽ ഖഹ്താനി(106), മുഹമ്മദ് അൽ സഹ്‌ലവി(108), അബ്ദുറസാഖ് ഹംദള്ള(150), നാസർ അൽ ഷംറാനി(154) എന്നിവരാണ് റൊണാൾഡോയുടെ മുന്നിലുള്ളത്. 156 ഗോളുകൾ നേടിയ ഒമർ അൽ സോമയാണ് സഊദി പ്രൊ ലീഗിലെ എക്കാലത്തെയും മികച്ച ഗോൾ വേട്ടക്കാരൻ. 

അതേസമയം പുതിയ സീസൺ തുടങ്ങുന്നതിന് മുന്നോടിയായി നടന്ന സഊദി സൂപ്പർ കപ്പ് ഫൈനലിൽ അൽ അൽ അഹ്ലിക്കെതിരെ ഗോൾ നേടിയതോടെ മറ്റൊരു ചരിത്രനേട്ടവും റൊണാൾഡോ സ്വന്തമാക്കിയിരുന്നു. അൽ നസറിനൊപ്പം 100 ഗോളുകൾ എന്ന പുതിയ നേട്ടമാണ് റൊണാൾഡോ കൈവരിച്ചത്. ഇതോടെ ഫുട്ബോളിന്റെ ചരിത്രത്തിൽ നാല് വ്യത്യസ്ത ക്ലബ്ബുകൾക്ക് വേണ്ടിയും ദേശീയ ടീമിന് വേണ്ടിയും 100 ഗോളുകൾ നേടുന്ന ആദ്യ താരമായും റൊണാൾഡോ മാറി. അൽ നസറിന് പുറമെ മാഞ്ചസ്റ്റർ യുണൈറ്റഡ്, റയൽ മാഡ്രിഡ്, യുവന്റസ് എന്നീ ടീമുകൾക്കാണ് റൊണാൾഡോ 100 ഗോളുകൾ നേടിയത്. പോർച്ചുഗീസ് ദേശീയ ടീമിനായി 138 ഗോളുകളും റൊണാൾഡോ നേടി. 

Al Nasr continued their winning streak in the Saudi Pro League. Al Nasr defeated Al Fayha by 2 goals to 1 in the match held the previous day. Captain Cristiano Ronaldo scored a brace for Al Nasr as Al Nasr achieved a stunning victory.