തിരുവനന്തപുരം:വർക്കലയിൽ ട്രെയിനിൽ നിന്ന് യുവതിയെ ട്രാക്കിലേക്ക് തള്ളിയിട്ടു.ഗുരുതരമായി പരിക്കേറ്റ യുവതി വർക്കലയിലെ ആശുപത്രിയിൽ ചികിത്സയിലാണ്. ആക്രമിക്കപ്പെട്ട യുവതിയുടെ ആരോഗ്യനില അതീവ ഗുരുതരമാണ്.സംഭവവുമായി ബന്ധപ്പെട്ട് ഒരാളെ പൊലിസ് കസ്റ്റഡിയിലെടുത്തു.

തിരുവനന്തപുരത്തേക്ക് പോകുകയായിരുന്ന കേരള എക്‌സ്‌പ്രസിലാണ് യുവതി യാത്ര ചെയ്തിരുന്നത്. അയന്തി മേൽപ്പാലത്തിന് സമീപം വെച്ചാണ് യുവതിയെ ട്രെയിനിൽ നിന്ന് ട്രാക്കിലേക്ക് തള്ളിയിട്ടത്.ട്രാക്കിൽ കിടന്ന യുവതിയെ അതുവഴി എതിരെ വന്ന മെമു ട്രെയിൻ നിർത്തി അതിൽ കയറ്റി വർക്കല സ്റ്റേഷനിൽ എത്തിക്കുകയായിരുന്നു.റെയിൽവേ പോലീസ് നടത്തിയ അന്വേഷണത്തിൽ സുരേഷ് കുമാർ എന്നയാളെ കൊച്ചുവേളിയിൽ നിന്ന് കസ്റ്റഡിയിലെടുത്തു. കസ്റ്റഡിയിലെടുത്ത പ്രതി മദ്യലഹരിയിലായിരുന്നുവെന്ന് റെയിൽവേ പൊലിസ് അറിയിച്ചു.യുവതിയുടെ ആരോഗ്യനില ഗുരുതരമാണെന്ന് ആശുപത്രി അധികൃതർ അറിയിച്ചു.