കുവൈത്ത് സിറ്റി: കുവൈത്തിന്റെ അതിർത്തി കവാടങ്ങളായ വിമാനത്താവളങ്ങളിലും തുറമുഖങ്ങളിലും ഇനി മുതൽ ബയോമെട്രിക് ഫിംഗർപ്രിന്റിംഗ് നടത്തില്ലെന്ന് ആഭ്യന്തര മന്ത്രാലയം (MoI) വ്യക്തമാക്കി. യാത്രാ നടപടിക്രമങ്ങളിൽ ഉണ്ടാകുന്ന തിരക്കും കാലതാമസവും ഒഴിവാക്കുന്നതിനായാണ് സുപ്രധാന തീരുമാനം. വിദേശത്തേക്ക് പോകുന്നതിന് മുൻപ് തന്നെ എല്ലാ യാത്രക്കാരും ബയോമെട്രിക് രജിസ്ട്രേഷൻ പൂർത്തിയാക്കണമെന്ന് മന്ത്രാലയം അറിയിച്ചു. മുൻകൂട്ടി രജിസ്ട്രേഷൻ പൂർത്തിയാക്കാത്ത യാത്രക്കാർ എക്സിറ്റ് പോയിന്റുകളിൽ അനാവശ്യ തിരക്ക് ഉണ്ടാക്കുന്ന സംഭവങ്ങൾ ആവർത്തിച്ചതിനെ തുടർന്നാണ് ഈ നീക്കം. 

എവിടെ രജിസ്റ്റർ ചെയ്യണം?

ബയോമെട്രിക് ഫിംഗർപ്രിന്റിംഗ് നടത്തേണ്ട കേന്ദ്രങ്ങളെക്കുറിച്ച് മന്ത്രാലയം വിശദീകരിച്ചിട്ടുണ്ട്.

കുവൈത്ത് പൗരന്മാർക്ക്: ജനറൽ ഡിപ്പാർട്ട്‌മെന്റ് ഓഫ് ക്രിമിനൽ എവിഡൻസിന്റെ പേഴ്‌സണൽ ഐഡന്റിഫിക്കേഷൻ സെന്ററുകളിലോ നാഷണൽ ഐഡന്റിറ്റി സെന്ററുകളിലോ യാത്രയ്ക്ക് മുമ്പ് ഈ നടപടി പൂർത്തിയാക്കണം.

പ്രവാസികൾക്ക്: രാജ്യത്തുടനീളമുള്ള എല്ലാ ഗവർണറേറ്റുകളിലുമുള്ള ജനറൽ ഡിപ്പാർട്ട്‌മെന്റ് ഓഫ് ക്രിമിനൽ എവിഡൻസിന്റെ പേഴ്‌സണൽ ഐഡന്റിഫിക്കേഷൻ സെന്ററുകളിൽ മാത്രമേ ഈ സൗകര്യം ലഭ്യമാകൂ.

അന്താരാഷ്ട്ര വിമാനത്താവളം, കര, കടൽ തുറമുഖങ്ങൾ എന്നിവിടങ്ങളിലെല്ലാം യാത്രാ നടപടിക്രമങ്ങൾ കാര്യക്ഷമമാക്കുന്നതിനുള്ള നിരന്തര ശ്രമങ്ങളുടെ ഭാഗമായാണ് പുതിയ തീരുമാനം. 

ALSO READ: സ്വകാര്യ മേഖലയിലെ തൊഴിലാളികള്‍ക്ക് സന്തോഷവാര്‍ത്ത; നിര്‍ണായക സംവിധാനവുമായി കുവൈത്ത്‌ 

യാത്രാ തീയതിക്ക് മുൻപ് പൂർത്തിയാക്കണം

എല്ലാ പൗരന്മാരും പ്രവാസികളും തങ്ങളുടെ യാത്രാ തീയതിക്ക് വളരെ മുമ്പുതന്നെ നിയുക്ത കേന്ദ്രങ്ങളിൽ എത്തി ബയോമെട്രിക് ഫിം​ഗർ പ്രിന്റിം​ഗ് പൂർത്തിയാക്കണമെന്ന് ആഭ്യന്തര മന്ത്രാലയം അഭ്യർത്ഥിച്ചു. ഇത് വിമാനത്താവളങ്ങളിലും തുറമുഖങ്ങളിലും വെച്ച് യാത്രാ സമയത്ത് അനാവശ്യമായ തടസ്സങ്ങളോ സങ്കീർണ്ണതകളോ ഒഴിവാക്കാൻ സഹായിക്കും. 

ബയോമെട്രിക് രജിസ്ട്രേഷൻ കേന്ദ്രങ്ങളുടെ വിവരങ്ങൾ താഴെക്കൊടുക്കുന്നു

kuwait's interior ministry has scrapped on-site biometric fingerprinting at airports, land borders, and sea ports to curb travel delays and congestion—effective immediately, all citizens, residents, and gcc nationals must complete mandatory fingerprint registration in advance at designated centers, with non-compliance risking service suspensions amid a push for smoother departures in 2025.