അബൂദബി: അബൂദബിയിലെ വാഹന നമ്പർപ്ലേറ്റ് ലേലത്തിൽ റെക്കോർഡ് സൃഷ്ടിച്ച് 'നമ്പർ 1' നമ്പർ പ്ലേറ്റ്. എമിറേറ്റ്സ് പാലസ് ഹോട്ടലിൽ ശനിയാഴ്ച നടന്ന ലേലത്തിൽ, 'നമ്പർ 1' എന്ന നമ്പർ പ്ലേറ്റ് 52.2 ദശലക്ഷം ദിർഹത്തിനാണ് വിറ്റുപോയത്. ഇത് ഒരു പുതിയ ​ഗിന്നസ് റെക്കോർഡാണ് സൃഷ്ടിച്ചത്. എമിറാത്തി വ്യവസായിയായ സയീദ് അബ്ദുൽ ഗഫാർ ഖൂരിയാണ് ഈ നമ്പർ സ്വന്തമാക്കിയത്. കടുത്ത മത്സരത്തിനിടയിലും ഈ നമ്പർ സ്വന്തമാക്കാൻ താൻ നിർബന്ധം പിടിച്ചതായി അദ്ദേഹം വ്യക്തമാക്കി.

ലേലത്തിലൂടെ ലഭിക്കുന്ന വരുമാനം അപകടത്തിൽപ്പെട്ടവരെ പുനരധിവസിപ്പിക്കുന്നതിനുള്ള ഒരു കേന്ദ്രം സ്ഥാപിക്കാൻ ഉപയോഗിക്കുമെന്ന ആഭ്യന്തര മന്ത്രി ഷെയ്ഖ് സൈഫ് ബിൻ സായിദ് അൽ നഹ്യാന്റെ പ്രഖ്യാപനമാണ് അദ്ദേഹത്തെ ഇതിന് പ്രേരിപ്പിച്ചത്. അതേസമയം, 'നമ്പർ 1' താൻ വിൽക്കില്ലെന്നും ഖൂരി അറിയിച്ചു.

ALSO READ: വിമാനത്താവളങ്ങളിലും തുറമുഖങ്ങളിലും ഇനി ബയോമെട്രിക് ഫിംഗർപ്രിന്റിംഗ് നടത്തില്ല; പുതിയ നീക്കവുമായി കുവൈത്ത്
 
ലേലത്തിലെ ഏറ്റവും വിലപിടിച്ച മറ്റ് നമ്പറുകൾ

കഴിഞ്ഞ രാത്രി ലേലം ചെയ്ത 90 കാർ നമ്പർ പ്ലേറ്റുകളിൽ നിന്ന് ആകെ 89 ദശലക്ഷം ദിർഹമാണ് ലഭിച്ചത്.

നമ്പർ 1111 : Dh2.32 ദശലക്ഷം

നമ്പർ 96 : Dh2.5 ദശലക്ഷം

നമ്പർ 32 : Dh2.5 ദശലക്ഷം

നമ്പർ 100 : Dh2.82 ദശലക്ഷം

നമ്പർ 51 : Dh2.15 ദശലക്ഷം

നമ്പർ 78 : Dh2.04 ദശലക്ഷം

നമ്പർ 81 : Dh2 ദശലക്ഷം

ലോക റെക്കോർഡ്

'നമ്പർ 1' കാർ പ്ലേറ്റ് ലോകത്തിലെ ഏറ്റവും വിലയേറിയ കാർ പ്ലേറ്റ് എന്ന പുതിയ ഗിന്നസ് ലോക റെക്കോർഡ് സ്ഥാപിച്ചതായി എമിറേറ്റ്സ് ഓക്ഷൻ മാനേജിംഗ് ഡയറക്ടർ അബ്ദുള്ള മതാർ അൽ മന്നായി വ്യക്തമാക്കി. മുമ്പ് ഈ റെക്കോർഡ് 'നമ്പർ 5' എന്ന പ്ലേറ്റിനായിരുന്നു, അത് ലേലത്തിൽ 25 ദശലക്ഷം ദിർഹത്തിനാണ് വിറ്റുപോയത്. 

Abu Dhabi's iconic "Number 1" license plate has been sold at auction for a record-breaking 52.2 million dirhams, approximately ₹116.3 crore.